173 நாட்களுக்கு பின் ஓடிடி ரிலீஸ்... இனி அவதார் 2 படத்தை இலவசமா பார்க்கலாம் - எங்கு... எப்படி? முழு விவரம் இதோ

டைட்டானிக் என்கிற ஒற்றை திரைப்படத்தின் மூலம் உலகளவில் சினிமா ரசிகர்களின் மனதில் ஆழமாய் பதிந்த பெயர் தான் ஜேம்ஸ் கேமரூன். உலகமெங்கும் அவரை டைட்டானிக் திரைப்படம் கொண்டு சென்றாலும், அதன்பின் கர்ப்பனை திறனின் உச்சத்திற்கு சென்று அவர் இயக்கிய அவதார் படம் தான் ஜேம்ஸ் கேமரூனை தலைசிறந்த இயக்குனராக மாற்றியது. அவதார் படத்தின் முதல் பாகம் கடந்த 2009-ம் ஆண்டு ரிலீஸ் ஆகி பட்டிதொட்டியெங்கும் பட்டைய கிளப்பியதோடு, கிட்டத்தட்ட 3 பில்லியன் அமெரிக்க டாலர்களையும் வசூலித்து சாதனை படைத்தது.

அவதார் படத்தின் அதிரி புதிரியான வெற்றிக்கு பின்னர் அவதார் 2 திரைப்படம் உருவாகும் என அறிவித்த ஜேம்ஸ் கேமரூன், அப்படத்திற்காக சுமார் 10 ஆண்டுகளுக்கு மேல் உழைத்து, கடந்தாண்டு திரையில் கொண்டு வந்தார். அவதார் 2 திரைப்படம் கடந்தாண்டு டிசம்பர் மாதம் உலகமெங்கும் ரிலீஸ் ஆனது. முதல் பாகம் அளவுக்கு இல்லை என்கிற விமர்சனத்தை இப்படம் பெற்றாலும், வசூலை மளமளவென வாரிக்குவித்தது.

இதையும் படியுங்கள்... சமந்தாவே தோத்துடுவாங்க போல... புஷ்பா பட பாடலுக்கு சுட்டிக் குழந்தை ஆடிய கியூட் டான்ஸ் - வைரலாகும் வீடியோ

அதன்படி அவதார் 2 திரைப்படம் பாக்ஸ் ஆபிஸில் ரூ.2.3 பில்லியன் டாலர்களை வசூலித்து உள்ளது. அவதார் 2 படத்திற்கு கிடைத்த வரவேற்பை அடுத்து அவதார் படத்தின் மூன்றாம் பாகம் ரிலீஸ் ஆகும் எனவும் அறிவித்துள்ளார் ஜேம்ஸ் கேமரூன். அவதார் 2 படத்தின் பிரம்மாண்டத்தை திரையில் காணத் தவறிய ரசிகர்களுக்கு தற்போது ஒரு குட் நியூஸ் கிடைத்துள்ளது. இனி அவதார் 2 படத்தை வீட்டிலேயே இலவசமாக கண்டுகளிக்கலாம்.

அதன்படி அவதார் 2 திரைப்படம் இன்று டிஸ்னி பிளஸ் ஹாட்ஸ்டாரில் ரிலீஸ் ஆகும் என அறிவிக்கப்பட்டு உள்ளது. தமிழ், தெலுங்கு, இந்தி, கன்னடம், மலையாளம் உள்ளிட்ட மொழிகளில் இப்படம் வெளியிடப்படும் என அறிவித்துள்ளனர். வழக்கமாக ஆங்கிலப் படங்கள் தியேட்டரில் ரிலீஸ் ஆன 90 நாளில் ஓடிடிக்கு வந்துவிடும், ஆனால் அவதார் 2 திரைப்படம் தான் 173 நாட்கள் கழித்து ரிலீஸ் ஆகி உள்ளது குறிப்பிடத்தக்கது.

இதையும் படியுங்கள்... பென்னி தயாளை கரம்பிடித்து 7 ஆண்டுகளுக்கு பின்... திருமணம் பற்றிய பலரும் அறிந்திடாத சீக்ரெட்டை பகிர்ந்த மனைவி