முதல் நாளே இத்தனை கோடியா..! பாக்ஸ் ஆபிஸில் பட்டைய கிளப்பும் அருண் விஜய்யின் ‘யானை’

விறுவிறுப்பான ஆக்‌ஷன் காட்சிகளுடன் கூடிய கமர்ஷியல் படங்களை எடுப்பதில் கைதேர்ந்தவர் இயக்குனர் ஹரி. கடைசியாக இவர் இயக்கிய படங்கள் சரிவர ஓடாததால், கடந்த 4 ஆண்டுகளாக இவர் இயக்கத்தில் எந்த படமும் ரிலீசாகவில்லை. இதையடுத்து தான் அருண் விஜய் உடன் முதன்முறையாக கூட்டணி சேர்ந்தார் இயக்குனர் ஹரி.

இதையும் படியுங்கள்... ஜெய் பீம் எங்களோட கதை... திருடி படமா எடுத்துட்டாங்க..! சூர்யா மீது கதை திருட்டு வழக்கு - ரசிகர்கள் அதிர்ச்சி

இவர்கள் கூட்டணியில் யானை திரைப்படம் உருவானது. இப்படத்தில் அருண் விஜய்க்கு ஜோடியாக பிரியா பவானி சங்கர் நடிக்க, ராதிகா, சமுத்திரக்கனி, போஸ் வெங்கட், சஞ்சீவ், அம்மு அபிராமி, யோகிபாபு, புகழ் என மிகப்பெரிய நட்சத்திர பட்டாளமே நடித்திருந்தது. ஜிவி பிரகாஷ் குமார் இப்படத்திற்கு இசையமைத்து இருந்தார்.

இதையும் படியுங்கள்... ‘காஃபி வித் காதல்’ படத்துக்காக இளையராஜாவின் பிளாக்பஸ்டர் ஹிட் பாடலை ரீமிக்ஸ் செய்த யுவன் - வைரலாகும் வீடியோ

இப்படம் மிகுந்த எதிர்பார்ப்புக்கு மத்தியில் நேற்று திரையரங்குகளில் ரிலீசானது. யானை படம் எனகு என்கிற பெயரில் தெலுங்கிலும் டப்பிங் செய்து வெளியிடப்பட்டு உள்ளது. உலகம் முழுவதும் சுமார் 1500 திரையரங்குகளில் இப்படம் வெளியிடப்பட்டது. வெளியான முதல் நாளே இப்படத்துக்கு ரசிகர்கள் மத்தியில் ஏகோபித்த வரவேற்பு கிடைத்தது.

இதையும் படியுங்கள்... காதல் மனைவி நயன்தாரா உடன் காத்துவாக்குல ரொமான்ஸ் பண்ணும் விக்னேஷ் சிவன் - வைரலாகும் போட்டோஸ்

இந்நிலையில், யானை படத்தின் முதல் நாள் வசூல் நிலவரம் வெளியாகி உள்ளது. அதன்படி இப்படம் முதல் நாளில் உலகளவில் ரூ.4.5 கோடி வசூலித்துள்ளதாம். குறிப்பாக தமிழகத்தில் மட்டும் 3.5 கோடி ரூபாய்க்கு மேல் வசூலித்துள்ளதாக கூறப்படுகிறது. நடிகர் அருண் விஜய்யின் கெரியரில் முதல் நாளில் அதிக வசூல் ஈட்டிய படமாக யானை மாறி உள்ளது. இன்றும், நாளையும் விடுமுறை தினங்கள் என்பதால் படத்தின் வசூல் மேலும் அதிகரிக்கக்கூடும் என எதிர்பார்க்கப்படுகிறது.