‘நெஞ்சுக்கு நீதி’யில் உதயநிதி உடன் நடிக்க மறுத்த அருள்நிதி... அந்த நல்ல வாய்ப்பை தட்டிதூக்கியது யார் தெரியுமா?

Nenjuku needhi : நெஞ்சுக்கு நீதி படத்தை வலிமை பட தயாரிப்பாளர் போனி கபூர் தயாரித்துள்ளார். சமூக நீதி பேசும் இப்படத்தில் நடிகர் உதயநிதி ஸ்டாலின் போலீஸ் அதிகாரி வேடத்தில் நடித்துள்ளார். 

உதயநிதி ஸ்டாலின் நடிப்பில் தற்போது வெளியாகி உள்ள திரைப்படம் நெஞ்சுக்கு நீதி. இது இந்தியில் ஆயுஷ்மான் குர்ரானா நடிப்பில் கடந்த 2019-ம் ஆண்டு வெளியாகி வெற்றி பெற்ற ஆர்ட்டிகிள் 15 படத்தின் தமிழ் ரீமேக் ஆகும். இப்படத்தை அருண்ராஜா காமராஜ் இயக்கி உள்ளார். இவர் ஏற்கனவே சிவகார்த்திகேயன் தயாரித்த கனா படத்தை இயக்கியுள்ளார். 

நெஞ்சுக்கு நீதி படத்தை வலிமை பட தயாரிப்பாளர் போனி கபூர் தயாரித்துள்ளார். சமூக நீதி பேசும் இப்படத்தில் நடிகர் உதயநிதி ஸ்டாலின் போலீஸ் அதிகாரி வேடத்தில் நடித்துள்ளார். மேலும் தன்யா, ஷிவானி ராஜசேகர், ஆரி அர்ஜுனன், மயில்சாமி, சுரேஷ் சக்ரவர்த்தி ஆகியோர் முக்கிய கதாபாத்திரங்களில் நடித்துள்ளனர்.

திபு நினன் தாமஸ் இசையில், தினேஷ் கிருஷ்ணன் ஒளிப்பதிவில் கடந்த வெள்ளிக்கிழமை திரையரங்குகளில் வெளியான இப்படம் அமோக வரவேற்பை பெற்று வருகிறது. உதயநிதி ஸ்டாலின் எம்.எல்.ஏ. ஆன பிறகு வெளியாகும் முதல் படம் என்பதால் இப்படத்தை திமுகவினர் கொண்டாடி வருகின்றனர்.

இந்நிலையில், இப்படம் குறித்த முக்கிய தகவல் வெளியாகி உள்ளது. அதன்படி நடிகர் உதயநிதியின் உறவினரும், நடிகருமான அருள்நிதி இப்படத்தில் நடிக்க மறுத்துவிட்டாராம். ஆரி நடித்திருந்த கதாபாத்திரத்தில் நடிக்க படக்குழு அவரை அணுகியதாம் ஆனால் அவர் அதில் நடிக்க மறுப்பு தெரிவித்துவிட்டாராம். அதேபோல் அதர்வாவும் அந்த ரோலில் நடிக்க மறுத்த பின்னரே அந்த வாய்ப்பு தனக்கு வந்ததாக நடிகர் ஆரி சமீபத்திய பேட்டியில் கூறி உள்ளார்.

இதையும் படியுங்கள்...  மார்க் ஆண்டனி படத்தில் ஒய்யாரமான நடிகையுடன் டூயட் பாட உள்ள விஷால்... இந்த ஜோடி சூப்பரா இருக்கே!