ஏ.ஆர்.ரகுமான், தனுஷ் வரிசையில் விஜய்... கோலிவுட்டை அதிர வைத்த விவாகரத்துகள் ஒரு பார்வை

சினிமா பிரபலங்கள் விவாகரத்து செய்வது தொடர்கதை ஆகி வருகிறது. இந்த வரிசையில் லேட்டஸ்டாக இணைந்துள்ளார் விஜய். அண்மையில் விவாகரத்து பெற்ற பிரபலங்கள் யார்... யார் என்பதை பார்க்கலாம்.

Image Credit : X

Tamil Cinema Celebrities Divorce

கோலிவுட்டில் விவாகரத்து செய்யும் பிரியும் ஜோடிகளின் எண்ணிக்கை அதிகரித்த வண்ணம் உள்ளது. அந்த லிஸ்ட்டில் லேட்டஸ்டாக இணைந்திருப்பவர் விஜய். அவருடைய மனைவி சங்கீதா, தனக்கு விவாகரத்து கோரி செங்கல்பட்டு குடும்ப நல நீதிமன்றத்தில் மனு தாக்கல் செய்துள்ளார். விஜய்க்கு நடிகை ஒருவருடன் திருமணத்தை மீறி உறவு இருந்ததாகவும், அதை பலமுறை கண்டித்தும் தொடர்ந்து வருவதால் அவரிடம் இருந்து விவாகரத்து பெறும் முடிவுக்கு வந்திருப்பதாகவும் சங்கீதா அந்த மனுவில் குறிப்பிட்டு உள்ளார். விஜய்க்கு முன் விவாகரத்து அறிவிப்பை வெளியிட்ட பிரபலங்கள் யார்... யார் என்பதை பார்க்கலாம்.

Image Credit : instagram

ஏ.ஆர்.ரகுமான் - சைரா பானு

இசைப்புயல் ஏ.ஆர்.ரகுமான் கடந்த 2024-ம் ஆண்டு விவாகரத்து முடிவை அறிவித்தார். அவர் கடந்த 1995-ம் ஆண்டு சைரா பானு என்பவரை திருமணம் செய்துகொண்டார். இவர்களுக்கு 3 பிள்ளைகளும் இருக்கிறார்கள். இந்த நிலையில், யாரும் எதிர்பாரா வண்ணம் 2024-ல் இருவரும் விவாகரத்து பெற்று பிரிவதாக அறிக்கை வெளியிட்டனர்.

Image Credit : our own

ஜிவி பிரகாஷ் - சைந்தவி

இசையமைப்பாளர் ஜிவி பிரகாஷ் குமாரும் அண்மையில் விவாகரத்து பெற்று பிரிந்துள்ளார். இவர் பாடகி சைந்தவியை கடந்த 2013-ம் ஆண்டு காதலித்து திருமணம் செய்துகொண்டார். இவர்களுக்கு அன்வி என்கிற பெண் குழந்தையும் உள்ளது. இவர்கள் இருவரும் கடந்த 2024-ம் ஆண்டு விவாகரத்து முடிவை அறிவித்தனர்.

Image Credit : Instagram

ரவி மோகன் - ஆர்த்தி

நடிகர் ரவி மோகன் தன்னுடைய மனைவி ஆர்த்தியை விவாகரத்து செய்து பிரிவதாக கடந்த 2024-ம் ஆண்டு அறிக்கை வெளியிட்டார். இருப்பினும் ஆர்த்தி ரவி விவாகரத்துக்கு சம்மதிக்கவில்லை. இவர்களது விவாகரத்து வழக்கு தற்போது நீதிமன்றத்தில் உள்ளது. விவாகரத்து பெறும் முன்னரே பாடகி கெனிஷா உடன் லிவ் டுகெதராக வாழ்ந்து வருகிறார் ரவி மோகன்.

Image Credit : instagram

தனுஷ் - ஐஸ்வர்யா

நடிகர் தனுஷ் தன் காதல் மனைவி ஐஸ்வர்யாவை கடந்த 2004-ம் ஆண்டு திருமணம் செய்துகொண்டார். இந்த ஜோடிக்கு யாத்ரா, லிங்கா என இரு மகன்களும் இருக்கிறார்கள். திருமணமாகி 18 ஆண்டுகளில் தனுஷ் உடன் ஏற்பட்ட கருத்து வேறுபாடால் அவரை விவாகரத்து செய்து பிரிவதாக அறிவித்தார் ஐஸ்வர்யா. இவர்களுக்கு 2024-ம் ஆண்டு விவாகரத்து கிடைத்தது.

Image Credit : our own

சமந்தா - நாக சைதன்யா

தமிழ் திரையுலகில் முன்னணி நடிகையாக வலம் வந்தவர் சமந்தா. இவர் நடிகர் நாக சைதன்யாவை காதலித்து கடந்த 2017-ம் ஆண்டு திருமணம் செய்துகொண்டார். இவர்களின் திருமண வாழ்க்கை 2021-ம் ஆண்டு முடிவுக்கு வந்தது. சமந்தாவை விவாகரத்து செய்த பின்னர் நாக சைதன்யா, சோபிதாவை திருமணம் செய்துகொண்டார். அதேபோல் சமந்தாவின் ராஜ் நிடிமோருவை திருமணம் செய்துகொண்டார்.