பாலிவுட் இயக்குநருடன் அல்லு அர்ஜூன்; 1000 கோடி பட்ஜெட்டில் புதிய படம்!
பான்-வேர்ல்ட் திரைப்படத்திற்கு அல்லு அர்ஜுன் தயாராகி வருகிறார். பாலிவுட்டின் முன்னணி இயக்குநர் சஞ்சய் லீலா பன்சாலியுடன் பெரிய பட்ஜெட் படத்தில் நடிக்கப் போவதாகக் கூறப்படுகிறது. இந்த காம்போ பற்றி விரிவாக பார்க்கலாம்.
அல்லு அர்ஜூன்
பான்-இந்தியா அளவில் கலக்கிய ஐகான் ஸ்டார் அல்லு அர்ஜூன், இப்போது பான்-வேர்ல்ட் மீது கவனம் செலுத்துகிறார். புஷ்பா 2 படத்தின் மாபெரும் வெற்றி அவரை உலக அரங்கிற்கு கொண்டு சென்றுள்ளது.
புஷ்பா மற்றும் புஷ்பா 2
புஷ்பா வெற்றிக்குப் பிறகு, அல்லு அர்ஜூனின் மார்க்கெட் உயர்ந்துள்ளது. தற்போது, தமிழ் இயக்குநர் அட்லீயுடன் ஒரு பான்-வேர்ல்ட் படத்தில் நடித்து வருகிறார். இதன் பட்ஜெட் ரூ.800 கோடி என கூறப்படுகிறது.
அல்லு அர்ஜூன் புதிய படம்
அட்லீ படத்திற்குப் பிறகு, அல்லு அர்ஜூன் அடுத்ததாக பாலிவுட் இயக்குநர் சஞ்சய் லீலா பன்சாலியுடன் ஒரு பிரம்மாண்ட படத்தில் இணைய உள்ளதாக இந்திய சினிமா வட்டாரங்களில் செய்திகள் பரவி வருகின்றன. பன்சாலியின் படங்கள் பிரம்மாண்டத்திற்கு பெயர் பெற்றவை. ராம் லீலா, பத்மாவத் போன்ற படங்களை இயக்கிய அவர், அல்லு அர்ஜுனுடன் ஒரு பான்-வேர்ல்ட் படம் எடுக்கவிருப்பதாக நீண்ட நாட்களாக பேசப்படுகிறது.
ரூ.1000 கோடி பட்ஜெட்
பன்சாலியுடன் அல்லு அர்ஜுன் இணையும் படத்திற்கான பேச்சுவார்த்தைகள் முடிந்துவிட்டதாக பாலிவுட் வட்டாரங்கள் தெரிவிக்கின்றன. ரூ.1000 கோடி பட்ஜெட்டில் உருவாகும் இப்படத்தின் அறிவிப்பு விரைவில் வெளியாகும் என்று எதிர்பார்க்கப்படுகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.