- Home
- Cinema
- அட்லீ - அல்லு அர்ஜுன் படத்தின் ஓடிடி உரிமம் இத்தனை கோடிக்கு விற்பனையா? கூலி பட லைஃப் டைம் வசூலை விட அதிகம்
அட்லீ - அல்லு அர்ஜுன் படத்தின் ஓடிடி உரிமம் இத்தனை கோடிக்கு விற்பனையா? கூலி பட லைஃப் டைம் வசூலை விட அதிகம்
'புஷ்பா 2: தி ரூல்' பிளாக்பஸ்டருக்குப் பிறகு, அல்லு அர்ஜுனின் நட்சத்திர அந்தஸ்து உச்சத்தில் உள்ளது. அவரது அடுத்த படமான AA22xA6-ன் வெளியீட்டுத் தேதி உறுதி செய்யும் முன்னரே அதன் ஓடிடி டீலிங் முடிந்துள்ளதாம்.
AA22XA6 OTT Deal
அட்லீ குமார் இயக்கத்தில் அல்லு அர்ஜுன் நடிக்கும் AA22xA6 படத்தின் ப்ரீ-ரிலீஸ் வியாபாரம் பல்வேறு சாதனைகளை முறியடித்து உள்ளதாம். இப்படத்தின் OTT ஒப்பந்தம் இறுதி செய்யப்பட்டுள்ளதாக தகவல்கள் தெரிவிக்கின்றன. AA22xA6 படத்தின் ன் டிஜிட்டல் உரிமைகளை நெட்ஃபிளிக்ஸ் வாங்கியுள்ளதாக கூறப்படுகிறது. இப்படத்தின் ஓடிடி உரிமை ரூ.600 கோடிக்கு விற்கப்பட்டுள்ளதாம். இதுமட்டும் உறுதியானால் இந்திய சினிமா வரலாற்றிலேயே மிகப்பெரிய தொகைக்கு விற்பனையான இந்திய படம் என்கிற சாதனையை இது படைக்கும்.
பட்ஜெட்டில் 75 சதவீதம் வசூல்
ரூ.600 கோடி OTT ஒப்பந்தச் செய்தி உண்மையானால், இது அல்லு அர்ஜுனின் சினிமா வாழ்க்கையில் ஒரு படத்திற்கு கிடைத்த மிகப்பெரிய OTT ஒப்பந்தமாக இருக்கும். இந்த ஓடிடி டீலிங் மூலமே AA22xA6 படம் அதன் பட்ஜெட்டில் 75% செலவை மீட்டெடுத்துள்ளது. படம் இன்னும் தயாரிப்பு நிலையில்தான் உள்ளது. தகவல்களின்படி, இப்படம் சுமார் ரூ.800 கோடி பட்ஜெட்டில் தயாராகிறது. இதில் ரூ.350-400 கோடி VFX-க்கு மட்டும் செலவிடப்படும் எனக் கூறப்படுகிறது. இருப்பினும், இவை அதிகாரப்பூர்வமாக உறுதிப்படுத்தப்படவில்லை.
அல்லு அர்ஜுன் ஜோடி யார்?
தகவல்களின்படி, 'AA22xA6' படத்தில் அல்லு அர்ஜுன் இரட்டை வேடத்தில் நடிக்கிறார். இப்படத்திற்காக அல்லு அர்ஜுனின் சம்பளம் சுமார் ரூ.175 கோடி என்று கூறப்படுகிறது. இப்படத்தில் முதல்முறையாக தீபிகா படுகோன் அல்லு அர்ஜுனுடன் ஜோடி சேர்கிறார். அவருக்கும் பெரிய சம்பளம் பேசப்பட்டுள்ளதாகக் கூறப்படுகிறது. தீபிகா தவிர, மிருணாள் தாக்கூரும் இப்படத்தில் ஒரு பகுதியாக இருப்பார். ஜான்வி கபூரின் முக்கிய கதாபாத்திரம் குறித்தும் பேச்சுவார்த்தை நடக்கிறது.
ஹாலிவுட் தரத்தில் உருவாகும் அட்லீ படம்
அல்லு அர்ஜுன் நடிக்கும் ஆக்ஷன் படமான AA22xA6 இரண்டு பாகங்களாக வெளியாகும் என முன்பு செய்தி வந்தது. ஆனால் சமீபத்திய தகவல்களின்படி, அட்லீ குமார் இயக்கும் இப்படத்தை ஒரே பாகமாக வெளியிட தயாரிப்பாளர்கள் முடிவு செய்துள்ளனர். வெளியீட்டு தேதி இன்னும் அறிவிக்கப்படவில்லை. இப்படத்தின் விஎஃப் எக்ஸ் பணிகளை அமெரிக்காவில் உள்ள பிரபல நிறுவனம் செய்து வருகிறது. அந்நிறுவனம் ஹாலிவுட் படங்களுக்கு விஎஃப் எக்ஸ் பணிகளை செய்துள்ளது குறிப்பிடத்தக்கது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
