அஜித் படத்தில் இத்தனை கெட்டவார்த்தைகளா? விடாமுயற்சிக்கு கத்திரி போட்ட சென்சார் போர்டு

லைகா நிறுவனம் தயாரிப்பில் பிரம்மாண்டமாக உருவாகி உள்ள திரைப்படம் விடாமுயற்சி. இப்படத்தில் அஜித்குமார் ஹீரோவாக நடித்துள்ளார், அவருக்கு ஜோடியாக திரிஷா நடித்திருக்கும் இப்படத்திற்கு அனிருத் இசையமைத்து உள்ளார். மேலும் யோகிபாபு, ரெஜினா கசெண்ட்ரா, ஆக்‌ஷன் கிங் அர்ஜுன், பிக் பாஸ் பிரபலம் ஆரவ் ஆகியோர் முக்கிய கதாபாத்திரத்தில் நடித்துள்ளனர். இப்படத்தின் படப்பிடிப்பு முடிந்து பின்னணி பணிகள் விறுவிறுப்பாக நடைபெற்று வருகிறது.

விடாமுயற்சி திரைப்படம் கடந்த 1997-ம் ஆண்டு வெளிவந்த பிரேக்டவுன் என்கிற ஹாலிவுட் படத்தை தழுவி எடுக்கப்பட்டு உள்ளது. படத்தின் கதைப்படி வெளிநாட்டுக்கு சுற்றுலா கணவன், மனைவி இருவரும் சுற்றுலா செல்கின்றனர். அப்போது எதிர்பாராத விதமாக மனைவி காணாமல் போய்விடுகிறார். அவரை கணவர் எப்படி மீட்டார் என்பது தான் விடாமுயற்சி படத்தின் கதைக்களம். இப்படத்தை இந்த ஆண்டு பொங்கல் பண்டிகைக்கு ரிலீஸ் செய்ய படக்குழு திட்டமிட்டு இருந்தது.

இதையும் படியுங்கள்... சிங்கம் போல் சிங்கிளாக ரிலீசாகும் விடாமுயற்சி; புது ரிலீஸ் தேதி இதுவா?

ஆனால் கடைசி நேரத்தில் ரீமேக் உரிமை விவகாரத்தில் சிக்கல் ஏற்பட்டதால் ரிலீஸ் தேதியை தள்ளிவைத்தனர். அநேகமாக இந்த மாத இறுதியில் அல்லது பிப்ரவரி முதல் வாரத்தில் விடாமுயற்சி திரைப்படம் திரைக்கு வரும் என எதிர்பார்க்கப்படுகிறது. இதனிடையே விடாமுயற்சி படத்தின் அப்டேட்டும் ஒவ்வொன்றாக வெளிவந்த வண்ணம் உள்ளது. அந்த வகையில் தற்போது அப்படத்தின் சென்சார் சர்டிபிகேட் மற்றும் ரன்னிங் டைம் குறித்த தகவல் வெளியாகி இருக்கிறது.

அதன்படி விடாமுயற்சி படத்தில் 5 இடங்களில் வரும் கெட்ட வார்த்தைகளுக்கு கத்திரி போட்டுள்ளது சென்சார் போர்டு. அதுமட்டுமின்றி அதிகப்படியான ஆக்‌ஷன் காட்சிகள் இருப்பதன் காரணமாக இப்படத்திற்கு யு/ஏ சான்றிதழ் வழங்கப்பட்டு இருக்கிறது. மேலும் இப்படம் 2 மணிநேரம் 30 நிமிடம் 46 விநாடிகள் ரன்னிங் டைம் கொண்டுள்ளதும் அந்த சென்சார் சான்றிதழில் குறிப்பிடப்பட்டு உள்ளது. விடாமுயற்சி படம் சென்சார் செய்யப்பட்டுவிட்டதால் விரைவில் ரிலீஸ் தேதி வெளியாகவும் வாய்ப்புள்ளது.

இதையும் படியுங்கள்... தூள் தூளாக நொறுக்கிய ரேஸ் கார்! விபத்தில் சிக்கிய அஜித்துக்கு என்ன ஆச்சு? கதறும் ரசிகர்கள்!