20 மில்லியனை நெருங்கும் 'துணிவு' படத்தின் ட்ரைலர்! யூ டியூப்பில் அடித்து நொறுக்கும் சாதனை!
அஜித் நடிப்பில் உருவாகியுள்ள 'துணிவு' படத்தின் டிரைலர் நேற்று வெளியான நிலையல் , யூ டியூபில் இந்த ட்ரைலர் 20 மில்லியன் பார்வையாளர்களை நெருங்கி வருகிறது.
நடிகர் அஜித்தை வைத்து இயக்குனர் எச்.வினோத் மூன்றாவது முறையாக இயக்கியுள்ள திரைப்படம் 'துணிவு'. இதற்கு முன்னர் எச்.வினோத், அஜித்தை வைத்து இயக்கிய 'நேர்கொண்ட பார்வை' மற்றும் 'வலிமை' ஆகிய இரண்டு படங்களும், ரசிகர்கள் மத்தியில் நல்ல வரவேற்பை பெற்று, வசூலிலும் சாதனை படைத்த நிலையில்... மூன்றாவதாக வெளியாக உள்ள 'துணிவு' திரைப்படமும் ஹார்டிக் வெற்றி பெறுமா? என அஜித்தின் ரசிகர்கள் மிகப்பெரிய ஆவலோடு காத்திருக்கின்றனர்.
'துணிவு' திரைப்படம் பொங்கல் பண்டிகையை முன்னிட்டு ஜனவரி 12ஆம் தேதி வெளியாகிறது. எனவே இந்த படம் குறித்த லேட்டஸ்ட் அப்டேட் அவ்வபோது வெளியாகி வருகிறது. படக்குழுவினரும் தீவிர புரமோஷன் பணிகளில் ஈடுபட்டு வருகிறார்கள். சமீபத்தில் 'துணிவு' படத்தை விமானத்தில் இருந்து குதித்து, ஸ்கை டைவிங் மூலம் துபாயில் பட குழுவினர் ப்ரொமோட் செய்தனர். இது குறித்த வீடியோவை போனி கபூர் வெளியிட வைரலாக பார்க்கப்பட்டது.
அதேபோல் பெரிய வேன், கார், போன்றவற்றிலும் அஜித்தின் துணிவு படத்தின் போஸ்டரை ஸ்டிக்கரிங் செய்து ரசிகர்கள் புரமோட் செய்து வருகிறார்கள். நேற்றைய முன் தினம், 'துணிவு' படத்தில் நடித்துள்ள முக்கிய நடிகர்களின் கேரக்டர் லுக் மற்றும் அவர்களின் கதாபாத்திரம் குறித்த பெயர்கள் வெளியான நிலையில், நேற்று இரவு சரியாக ஏழு மணிக்கு புத்தாண்டை முன்னிட்டு 'துணிவு' படத்தின் டிரைலர் வெளியானது.
இந்த ட்ரைலர் வெளியான சில நிமிடங்களிலேயே, அதிக ரசிகர்களால் யூட்யூபில் பார்க்கப்பட்டு அடுத்தடுத்து சாதனை நிகழ்த்தி வருவதாக ரசிகர்கள் கொண்டாடி வந்த நிலையில், தற்போது இந்த ட்ரைலர் 20 மில்லியனை நேருகிறது. இந்த சாதனையை அஜித்தின் ரசிகர்கள் சமூக வலைதளத்தில் வழக்கம் போல் கொண்டாடி வருகின்றனர்.
உன் வாழ்க்கை உன் கையில்..! ரஜினிகாந்த் - கமல் ரசிகர்களுக்கு புத்தாண்டு வாழ்த்து!
கடைசியாக அஜித்தின் வீரம் திரைப்படமும், விஜய்யின் ஜில்லா திரைப்படமும் கடந்த 2014 ஆம் ஆண்டு பொங்கல் திருவிழாவை முன்னிட்டு ஒரே நேரத்தில் வெளியாகி, இரண்டு படங்களுமே சூப்பர் ஹிட் வெற்றி பெற்ற நிலையில்... சுமார் 9 ஆண்டுகளுக்கு பின்னர், மீண்டும் இதே பொங்கல் திருவிழாவில் அஜித் மற்றும் விஜய் ஆகியோர் நேருக்கு நேர் மோத உள்ளது குறிப்பிடத்தக்கது.
சேனலை கிளிக் செய்து பின்தொடரவும்
