இந்த பைக் ட்ரிப் வெறும் டிரைலர் தான்... இனி தான் ரியல் சம்பவமே இருக்கு - அஜித் போட்ட அல்டிமேட் பிளான்

Ajith Bike Trip : தற்போது இங்கிலாந்து மற்றும் ஐரோப்பா நாடுகளில் கடந்த 2 நாட்களாக பைக்கில் சுற்றுப்பயணம் மேற்கொண்டார். அங்கு அவர் எடுத்துக் கொண்ட புகைப்படங்கள் வெளியாகி சமூக வலைதளங்களில் வைரல் ஆனது.

தமிழ் திரையுலகில் முன்னணி நடிகராக வலம் வரும் அஜித், பைக் ரேஸ், கார் ரேஸ் மீது அதீத ஆர்வம் கொண்டவராக இருந்து வருகிறார். பெரும்பாலும் இவர் நடிக்கும் படங்களில் இடம்பெறும் பைக் அல்லது கார் ஸ்டண்ட் காட்சிகளை டூப் போடாமல் அசால்டாக செய்து அசத்துவதில் வல்லவராகவும் இருந்து வருகிறார் அஜித்.

அண்மையில் இவர் நடிப்பில் வெளியான வலிமை படத்தில் கூட பைக் சேஸிங் காட்சியின் போது விபத்தில் சிக்கியபோதும் உடனடியாக எழுந்துவந்து மீண்டு அந்த சீனில் நடித்து முடித்துக்கொடுத்தார். இவர் நடிப்பில் தற்போது ஏகே 61 திரைப்படம் தயாராகி வருகிறது. இப்படத்தின் படப்பிடிப்பு இறுதிக்கட்டத்தை எட்டி உள்ள நிலையில் நடிகர் அஜித்துக்கு சில நாட்கள் ஓய்வு அளிக்கப்பட்டு உள்ளது.

ரெஸ்ட் கிடைத்ததும் உடனடியாக பைக்கை எடுத்துக் கொண்டு பாரினுக்கு கிளம்பி விட்டார் அஜித். அவர் தற்போது இங்கிலாந்து மற்றும் ஐரோப்பா நாடுகளில் கடந்த 2 நாட்களாக பைக்கில் சுற்றுப்பயணம் மேற்கொண்டார். அங்கு அவர் எடுத்துக் கொண்ட புகைப்படங்கள் வெளியாகி சமூக வலைதளங்களில் வைரல் ஆனது.

இந்நிலையில், இந்த பைக் ட்ரிப் வெறும் ஒத்திகை தான் என தெரியவந்துள்ளது. வருகிற ஆக்ஸ்ட் மற்றும் செப்டம்பர் மாதங்களில் உலக அளவில் பல்வேறு நாடுகளுக்கு பைக்கில் செல்ல திட்டமிட்டுள்ள அஜித் அதற்கான ஒத்திகையை தற்போது பார்த்து வருகிறாராம். ஏகே 61 படத்தின் படப்பிடிப்பு முடிந்ததும் பைக்கில் உலக சுற்றுலா செல்ல உள்ள அஜித், அதனை முடித்த பின் விக்னேஷ் சிவன் இயக்கும் ஏகே62 படத்தில் கலந்துகொள்வார் என கூறப்படுகிறது.

இதையும் படியுங்கள்... Rajinikanth Salary : ரூ.100 கோடி பத்தாது... ஜெயிலர் படத்துக்காக சம்பளத்தை கிடுகிடுவென உயர்த்திய ரஜினி