விஜய்யின் லியோ படத்தில் இணைந்த அஜித் பட நடிகை - காஷ்மீரில் இருந்து வந்த லேட்டஸ்ட் அப்டேட்
காஷ்மீரில் விஜய் நடிக்கும் லியோ படத்தின் ஷூட்டிங் விறுவிறுப்பாக நடைபெற்று வரும் நிலையில், தற்போது அஜித் பட நடிகை ஒருவர் அப்படத்தில் இணைந்துள்ளார்.
நடிகர் விஜய்யின் லியோ படத்தை லோகேஷ் கனகராஜ் இயக்கி வருகிறார். ஏற்கனவே விஜய்யின் மாஸ்டர் படத்தை இயக்கிய லோகேஷ் கனகராஜ், தற்போது இரண்டாவது முறையாக அவருடன் கூட்டணி அமைத்துள்ளார். லியோ படத்தை செவன் ஸ்கிரீன் ஸ்டூடியோஸ் நிறுவனம் சார்பில் லலித் குமார் தயாரிக்கிறார். இப்படத்தின் ஷூட்டிங் தற்போது காஷ்மீரில் விறுவிறுப்பாக நடைபெற்று வருகிறது.
லியோ படத்தில் நடிகர் விஜய்க்கு ஜோடியாக திரிஷா நடிக்கிறார். இதுதவிர பாலிவுட் நடிகர் சஞ்சய் தத், மலையாள நடிகர் மேத்யூ தாமஸ், நடிகை பிரியா ஆனந்த், இயக்குனர்கள் மிஷ்கின் மற்றும் கவுதம் மேனன், ஆக்ஷன் கிங் அர்ஜுன், நடன இயக்குனர் சாண்டி, வில்லன் நடிகர் மன்சூர் அலிகான், விக்ரம் படத்தில் ஏஜண்ட் டீனாவாக கலக்கிய வசந்தி என மிகப்பெரிய நட்சத்திர பட்டாளமே இப்படத்தில் நடித்து வருகிறது.
இதையும் படியுங்கள்... கோலிவுட்டில் திருமணமே செய்யாமல் டேட்டிங் செய்யும் காதல் ஜோடிகள் இத்தனை பேரா? என்ன லிஸ்ட் ரொம்ப பெருசா போகுது!
இந்நிலையில், லியோ படத்தில் புது வரவாக பிக்பாஸ் பிரபலம் அபிராமி வெங்கடாசலம் இணைந்துள்ளார். இவர் கமல்ஹாசன் தொகுத்து வழங்கிய பிக்பாஸ் சீசன் 6 நிகழ்ச்சி மூலம் பிரபலமானவர் ஆவார். லியோ படப்பிடிப்பிற்காக தற்போது காஷ்மீர் சென்றுள்ள அபிராமி, அங்கு இயக்குனர் லோகேஷ் கனகராஜ் உடன் எடுத்த புகைப்படத்தை பதிவிட்டு அப்படத்தில் இணைந்ததை உறுதி செய்துள்ளார்.
நடிகை அபிராமி ஏற்கனவே அஜித்துடன் நேர்கொண்ட பார்வை படத்தில் நடித்துள்ளார். எச்.வினோத் இயக்கிய இப்படத்தில் மூன்று ஹீரோயின்களில் ஒருவராக அபிராமி நடித்திருந்தார். லியோ படத்தில் ஏற்கனவே பிக்பாஸ் பிரபலங்களான சாண்டி மற்றும் ஜனனி ஆகியோர் நடித்து வரும் நிலையில், தற்போது அபிராமியும் அந்த லிஸ்ட்டில் இணைந்துள்ளார்.
இதையும் படியுங்கள்... படுக்கை அறையில் தன் செல்லத்தை கட்டிப்பிடித்து... காதலர் தின வாழ்த்து சொன்ன நடிகை ராஷ்மிகா - வைரலாகும் வீடியோ
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.