தளபதியின் 'பீஸ்ட்' படத்தை அப்பட்டமா காப்பி அடித்தது போல் இருக்கே 'துணிவு' ட்ரைலர்? தெறிக்கும் மீம்ஸ்!
நடிகர் அஜித் நடித்துள்ள 'துணிவு' படத்தின் டிரைலர் சற்று முன்னர் வெளியான நிலையில், இதனைப் பார்த்து 'பீஸ்ட்' படத்தை காப்பி அடித்தது போல் இருப்பதாக நெட்டிசன்கள் மீம்ஸ் போட்டு தெரிவித்து வருகிறார்கள்.
இயக்குனர் எச்.வினோத் இயக்கத்தில் உருவாகியுள்ள திரைப்படம் 'துணிவு' ஏற்கனவே அஜித் எச்.வினோத் மற்றும் போனி கபூர் கூட்டணியில் நடித்திருந்த 'நேர்கொண்ட பார்வை' மற்றும் 'வலிமை' ஆகிய இரண்டு படங்கள் சூப்பர் ஹிட் வெற்றி பெற்ற நிலையில், மூன்றாவது முறையாக துணிவு படத்தில் இணைந்ததால் ரசிகர்கள் மத்தியில் மிகப்பெரிய எதிர்பார்ப்பு நிலவியது.
பொங்கல் பண்டிகையை முன்னிட்டு, தளபதி விஜய்யின் 'வாரிசு' படமும் அஜித்தின் 'துணிவு' படமும் வெளியாக உள்ளதால்... இந்த இரு படங்களின் புரோமோஷன் பணிகளும் படுதூளாக நடந்து வருகிறது. இந்நிலையில் நேற்றைய தினம் 'துணிவு' படத்தில், முக்கிய கதாபாத்திரத்தில் நடித்துள்ள நடிகர்களின் கேரக்டர் லுக் மற்றும் அவர்களின் கதாபாத்திரத்தின் பெயர் ஆகியவை வெளியிடப்பட்டது.
மேலும் அஜித்தின் லுக்கை மட்டுமே வெளியிட்டு அவருடைய பெயர் குறித்து விரைவில் அறிவிக்கப்படும் என தெரிவிக்கப்பட்டதோடு... இன்று மாலை 'துணிவு' படத்தின் டிரைலர் வெளியாகும் என்கிற தகவலும் அறிவிக்கப்பட்டது. இதைத் தொடர்ந்து சற்று முன்னர் 'துணிவு' படத்தின் டிரைலர் வெளியாகி ரசிகர்கள் மத்தியில் நல்ல வரவேற்பை பெற்று வரும் நிலையில், நெட்டிசன்கள் சிலர் விஜய் நடிப்பில் வெளியான 'பீஸ்ட்' படத்துடன் 'துணிவு' பட ட்ரைலரை ஒப்பிட்டு மீம்ஸ் போட்டு தெறிக்க விட்டு வருகின்றனர்.
'பீஸ்ட்' படத்தில் மால் ஹைஜாக் செய்யப்படுவதாகவும்... 'துணிவு' படத்தில் பேங்க் செய்யப்படுவதாகவும், அதில் இருக்கும் கதாபாத்திரங்கள் போன்றே இந்த படத்திலும் கதாபாத்திரங்கள் வடிவமைக்கப்பட்டுள்ளதாகவும் கூறி வருகின்றனர். மேலும் இது குறித்த புகைப்படங்கள் சிலவும் சமூக வலைதளத்தில் வைரலாகி விமர்சனங்களுக்கு ஆளாகியுள்ளது.
செம்ம கொண்டாட்டத்தில் 'பாக்கிய லட்சுமி' சீரியல் நடிகர்கள்..! கேக் வெட்டி ஜமாய்த்த போட்டோஸ் வைரல்!
சேனலை கிளிக் செய்து பின்தொடரவும்
