திருமணமான இரண்டே மாதத்தில் கர்ப்பம்..! குட் நியூஸ் சொன்ன நடிகை பூர்ணாவிற்கு குவியும் ரசிகர்கள் வாழ்த்து!

மலையாள நடிகையான பூர்ணா, தமிழில் கடந்த 2008 ஆம் ஆண்டு பரத் நடிப்பில் வெளியான 'முனியாண்டி விலங்கியல் மூன்றாமாண்டு' என்கிற படத்தின் மூலம் அறிமுகமானவர், இதைத் தொடர்ந்து 'ஆடுபுலி', 'கந்தகோட்டை', 'தகராறு', 'காப்பான்', 'தலைவி' போன்ற பல படங்களில் நடித்தார்.
 

அதிகப்படியான சர்ச்சைகளில் சிக்காத நடிகையான பூர்ணா,  கதாநாயகியாக நடிக வாய்ப்பு கிடைக்கவில்லை என்றாலும், தமிழில் கதைக்கு முக்கியத்துவம் கொடுக்கும் படங்களை தேர்வு செய்து நடிப்பதை வழக்கமாக வைத்திருந்தார்.

நடிகர் அஜித் நடித்துள்ள 'துணிவு' படத்தின் டிரைலர் தற்போது வெளியாகி உள்ளது.
 

இந்நிலையில் இவருக்கும், துபாயை சேர்ந்த தொழிலதிபர் ஆசிஃப் அலி என்பவருக்கும் நிச்சயதார்த்தம் முடிந்திருந்த நிலையில், அக்டோபர் மாதம் மிகவும் பிரமாண்டமாக துபாயில் திருமணம் நடந்தது. திருமணத்தை ரகசியமாக முடித்துக் கொண்ட பூர்ணா, சில நாட்களுக்குப் பின்னர் தன்னுடைய சமூக வலைதளத்தில் திருமண புகைப்படங்களை வெளியிட... ரசிகர்கள் பலரும் இவருடைய திருமணத்திற்கு வாழ்த்துக்களை தெரிவித்து வந்தனர்.
 

இந்நிலையில் நடிகை பூர்ணாவுக்கு திருமணம் ஆகி இரண்டு மாதங்களில் ஆகும் நிலையில், திடீரென தற்போது தான் கர்ப்பமாக இருக்கும் தகவலை வீடியோ வெளியிட்டு அறிவித்துள்ளார்.
 

இந்த வீடியோவில் தான் தாயாகப் போவதாகவும், தன்னுடைய பெற்றோர் தாத்தா - பாட்டியாக போவதாகவும் தன்னுடைய அனைத்து குடும்பத்தினருடனும் கேக் வெட்டி இந்த மகிழ்ச்சியான தருணத்தை கொண்டாடியுள்ளார். இதுகுறித்த வீடியோவை பகிர இந்த வீடியோ வைரலாகி வருவதோடு... ரசிகர்களும் பூர்ணா மற்றும் அவருடைய கணவருக்கு, தங்களின் வாழ்த்துக்களை தெரிவித்து வருகின்றனர்.

செம்ம கொண்டாட்டத்தில் 'பாக்கிய லட்சுமி' சீரியல் நடிகர்கள்..! கேக் வெட்டி ஜமாய்த்த போட்டோஸ் வைரல்!