47 வயதில் 50 கி.மீ. பயணம்... ஆண்நண்பருடன் எடுத்த போட்டோவை பகிர்ந்த ஐஸ்வர்யா ரஜினிகாந்த் - வாழ்த்தும் ரசிகர்கள்

நடிகர் ரஜினிகாந்தின் மூத்த மகளான ஐஸ்வர்யா ரஜினிகாந்த், கடந்த 2004-ம் ஆண்டு நடிகர் தனுஷை காதலித்து திருமணம் செய்துகொண்டார். இவர்களுக்கு யாத்ரா, லிங்கா என இரண்டு ஆண்குழந்தைகளும் உள்ளனர். திருமணத்துக்கு பின்னர் சினிமாவிலும் இயக்குனராக அறிமுகமான ஐஸ்வர்யா, முதலாவதாக தனுஷ் நடித்த 3 படத்தை இயக்கினார்.

இப்படம் வெளியாகி கலவையான விமர்சனங்களை பெற்றாலும், இப்படத்தில் இடம்பெற்ற பாடல்கள் இன்றளவும் ரசிகர்களால் கொண்டாடப்பட்டு வருகிறது. குறிப்பாக இதில் வரும் ஒய் திஸ் கொலவெறி பாடல் உலகளவில் பேமஸ் ஆனது. இன்று தமிழ் சினிமாவில் படு பிசியான இசையமைப்பாளராக வலம் வரும் அனிருத், இப்படம் மூலம் தான் கோலிவுட்டில் எண்ட்ரி கொடுத்தார்.

இதையும் படியுங்கள்... முதல் நாளை விட 2-ம் நாளில் 4 மடங்கு அதிக வசூல்... பாக்ஸ் ஆபிஸில் பட்டைய கிளப்பும் துல்கர் சல்மானின் சீதா ராமம்

இதையடுத்து கவுதம் கார்த்திக் நடித்த வை ராஜா வை படத்தை இயக்கினார் ஐஸ்வர்யா, இப்படமும் பெரிய அளவில் வெற்றியடையவில்லை. இதனால் இப்படத்துக்கு பின்னர் சினிமாவில் இருந்து சற்று ஒதுங்கி இருந்தார் ஐஸ்வர்யா. இதனிடையே கடந்த ஜனவரி மாதம் தனது கணவர் தனுஷை விவாகரத்து செய்ய உள்ளதாக அறிவித்து அதிர்ச்சி கொடுத்தார் ஐஸ்வர்யா.

விவாகரத்துக்கு பின்னர் பிட்னஸில் அதிக கவனம் செலுத்தி வருகிறார் ஐஸ்வர்யா. அந்தவகையில், இன்று காலை தனது ஆண் நண்பருடன் சைக்கிளிங் சென்ற ஐஸ்வர்யா, அதன்பின் போட பதிவு சமூக வலைதளங்களில் வைரலாகி வருகிறது. 

அந்த பதிவில், எனது உண்மையான அமைதியான நண்பர், எனது பிட்னஸ் பயணத்தில் பெரும் பாங்காற்றியவர். அவருக்கு இன்று பிறந்தநாள். இன்று 47 வயதாகும் அவர் என்னுடன் சேர்ந்து 50 கிலோமீட்டர் சைக்கிளிங் வந்தார். வயது அதிகரிக்க அதிகரிக்க கிலோமீட்டரையும் அதிகரிக்க உள்ளதாக ஐஸ்வர்யா அதில் குறிப்பிட்டு உள்ளார். ஐஸ்வர்யாவின் ரசிகர்களும் அவரின் ஆண் நண்பருக்கு வாழ்த்துக்களை தெரிவித்து வருகின்றனர்.

இதையும் படியுங்கள்... அதிதியுடன் ஜோடியாக கப்பலில் சென்ற கார்த்தி... மலேசியாவில் மாஸ் காட்டும் ‘விருமன்’ ஜோடி - வைரலாகும் போட்டோஸ்