விஜய், சிம்பு படங்களை தொடர்ந்து திரையரங்கில் ரிலீஸ் ஆகும் பிரபல நடிகரின் படம்!

இதை தொடர்ந்து இவர் பிரபு சாலமன் இயக்கத்தில் நடித்த “காடன்” திரைப்படமும், எழில் இயக்கத்தில் நடித்த “ஜகஜால கில்லாடி“ படமும் அனைத்து பணிகளும் முடிந்து ரிலீஸுக்கு தயாராக இருந்தது. ஆனால் கொரோனா ஊரடங்கு காரணமாக தியேட்டர்கள் அனைத்தும்  மூடப்பட்டதால், இரண்டு படங்களையும் ரிலீஸ் செய்ய முடியாமல் போனது.

அடுத்து மனு ஆனந்த் இயக்கத்தில் உருவாகி வரும் “எஃப்ஐஆர்” படத்தின் இறுதிக்கட்ட ஷூட்டிங்கும் கொரோனா பிரச்சனை காரணமாக நிறுத்தி வைக்கப்பட்டுள்ளது. இதையடுத்து களவு படத்தை இயக்கிய முரளி கார்த்திக் இயக்கத்தில் “மோகன்தாஸ்” என்ற படத்தில் விஷ்ணு விஷால் நடிக்க உள்ளார். அந்த படத்தின் டீசர் சமீபத்தில் வெளியாகி ரசிகர்களிடம் நல்ல வரவேற்பை பெற்றது. 

திரையரங்குகள் 50 சதவீத பார்வையாளர்களுடன் இயக்க அரசு அனுமதி கொடுத்த போதிலும், திரைப்படத்தை வெளியிட சரியான நேரத்திற்காக காத்திருந்த காடன் படத்தின் படக்குழுவினர், தற்போது 'காடன்' ரிலீஸ் தேதி குறித்த அறிவிப்பை வெளியிட்டுள்ளனர்.

மாஸ்டர் மற்றும் ஈஸ்வரன் படங்களை தொடர்ந்து ’காடன்’ திரைப்படம் 26ஆம் தேதி திரையரங்குகளில் வெளியாகும் என அறிவிக்கப்பட்டுள்ளது. 

அதே நாளில் இந்தத் திரைப்படத்தின் தெலுங்கு பதிப்பான ’ஆரண்யா’ திரைப்படமும் வெளியாக உள்ளது என்பது குறிப்பிடத்தக்கது.

பிரபுசாலமன் இயக்கத்தில் விஷ்ணு விஷால், ராணா டகுபதி, உள்ளிட்ட பலர் நடித்துள்ள இந்த படத்தை ஈரோஸ் இன்டர்நேஷனல் நிறுவனம் தயாரித்துள்ளது.