இது தல - தளபதி பொங்கல்... ரசிகர்களோடு FDFS பார்த்து துணிவு, வாரிசு படங்களை வேறலெவலில் கொண்டாடிய திரிஷா

தமிழ் திரையுலகில் முன்னணி நடிகையாக வலம் வருபவர் திரிஷா. இவர் விஜய், அஜித் இருவருடனும் ஏராளமான படங்களில் நடித்திருக்கிறார். இருவரது தீவிர ரசிகையான திரிஷா, இன்று வெளியாகி இருக்கும் அஜித்தின் துணிவு மற்றும் விஜய்யின் வாரிசு ஆகிய 2 படங்களின் முதல் ஷோவை ரசிகர்களுடன் சேர்ந்து பார்த்து ரசித்துள்ளார்.

சென்னையில் உள்ள ஏஜிஎஸ் திரையரங்கில் இந்த இரண்டு படங்களையும் பார்த்துள்ளார் திரிஷா. அவருடன் ஏஜிஎஸ் நிறுவனத்தை சேர்ந்த அர்ச்சனா கல்பாத்தியும் சேர்ந்து இரு படங்களில் FDFS ஷோவை பார்த்து ரசித்துள்ளார். இருவரும் எடுத்துக்கொண்ட புகைப்படம் டுவிட்டரில் வைரலாகி வருகிறது.

இதையும் படியுங்கள்... கிழித்தெறியப்பட்ட பேனர்கள்... விஜய் - அஜித் ரசிகர்கள் மோதல் - தடியடி நடத்தி விரட்டியடித்த போலீஸ்

இதில் அர்ச்சனா கல்பாத்தி விஜய்யின் பிகில் படத்தை தயாரித்தவர் ஆவார். விஜய்யின் தீவிர ரசிகையான அவர் வாரிசு என்கிற டைட்டில் இடம்பெற்றுள்ள டீசர்ட்டை அணிந்து வந்து படத்தை பார்த்துள்ளார். இதுகுறித்த புகைப்படங்களை தனது இன்ஸ்டாகிராமில் பதிவிட்டுள்ள திரிஷா, இது தல - தளபதி பொங்கல் என குறிப்பிட்டுள்ளார்.

நடிகை திரிஷா அடுத்ததாக விஜய் நடிப்பில் உருவாக உள்ள தளபதி 67 படத்தில் ஹீரோயினாக நடிக்க கமிட் ஆகி உள்ளார். இப்படத்தை லோகேஷ் கனகராஜ் இயக்குகிறார். கடைசியாக ஆதி படத்தில் இணைந்து நடித்திருந்த விஜய் - திரிஷா ஜோடி தற்போது 18 ஆண்டுகளுக்கு பின்னர் மீண்டும் இணைந்து நடிக்க உள்ளனர் என்பது குறிப்பிடத்தக்கது.

இதையும் படியுங்கள்... துணிவு படம் எப்படி இருக்கு... தூள் கிளப்பினாரா அஜித்....? துணிவு FDFS விமர்சனம் இதோ