Sunny Leone : ஆன்லைன் மோசடி... சன்னி லியோனிடம் இருந்து பணத்தை அபேஸ் பண்ணிய மர்ம நபர் - எவ்வளவு தெரியுமா?

நடிகை சன்னி லியோன் ஆபாச படங்கள் மூலம் மிகவும் பிரபலமாகி இருந்தாலும், தற்போது பாலிவுட் திரையுலகின் கவர்ச்சி நடிகையாக வலம் வந்துகொண்டிருக்கிறார். சன்னி லியோன் கவர்ச்சிக்கு இளசுகள் மத்தியில் தனி மவுசு உண்டு. முதல் பட வாய்ப்பை பாலிவுட் திரையுலகில் பிடிப்பது இவருக்கு கடினமானதாக இருந்தாலும், தற்போது சொந்தமாக படம் தயாரிக்கும் அளவிற்கு முன்னேறிவிட்டார். 

பாலிவுட்டின் முன்னணி நடிகர்களுடன் குத்தாட்டம் போட்டும் வருகிறார். இவரது டான்ஸை பார்ப்பதற்காகவே பாலிவுட் வட்டாரத்தில் தனி ரசிகர்கள் கூட்டமே உருவாகியுள்ளது. பாலிவுட் திரையுலகை தாண்டி, தெலுங்கு, மலையாளம், தமிழ் போன்ற தென்னிந்திய மொழிகளிலும் சமீப காலமாக கவனம் செலுத்தி வருகிறார். 

அந்த வகையில் தற்போது இவர் தமிழில் ஷீரோ என்கிற திரில்லர் படத்தில் நடித்து முடித்துள்ளார். இந்த படத்தில் சன்னி லியோன் ஆக்ஷன் காட்சியிலும் தூள் கிளப்பி உள்ளார். சாரா மைக் என்ற கதாபாத்திரத்தில் அமெரிக்காவில் வாழும் இந்திய வம்சாவளியைச் சேர்ந்த பெண்ணாக நடிகை சன்னி லியோன் நடித்துள்ளார். 

மேலும் ஹிந்தி, தெலுங்கு, கன்னடம் என அரை டஜன் படங்களுக்கு குறைவில்லாமல் கையில் வைத்திருக்கும் சன்னி லியோன், சமூக வலைத்தளத்தில் மிகவும் ஆக்டிவாக இருந்து வருகிறார். 

இந்நிலையில், தான் ஆன்லைன் மோசடியில் சிக்கியது குறித்து சமூக வலைதளத்தில் பதிவிட்டுள்ளார் சன்னி லியோன். இவரின் பான் கார்டு எண்ணை பயன்படுத்தி மர்ம நபர் ஒருவர் ஆன்லைனில் பிரபல நிறுவனம் மூலம் 2000 ரூபாய் கடன் பெற்று செய்துள்ளாராம். 

இதுகுறித்து நடிகை சன்னி லியோன் தனது சமூக வலைதள பக்கத்தில் கூறியிருப்பதாவது: ‘சில முட்டாள்கள் என்னுடைய பான் கார்டு எண்ணை பயன்படுத்தி 2000 ரூபாய் கடன் பெற்றுள்ளாகள். இதனால் எனது சிபில் ஸ்கோர் மிகவும் பாதிக்கப்பட்டிருக்கிறது. அதுமட்டுமின்றி சம்பந்தப்பட்ட நிறுவனத்திடம் இருந்து தனக்கு எந்த ஒரு உதவியும் வழங்கப்படவில்லை. இது ஏன் என்று எனக்கு சுத்தமாக புரியவில்லை? என்று கூறியிருந்தார்.

சன்னி லியோனின் இந்த டுவிட் வைரலானதை அடுத்து இந்த பிரச்சினையை விரைவில் சரி செய்வதாக சம்பந்தப்பட்ட நிறுவனம் உறுதி அளித்து இருப்பதாக நடிகை சன்னி லியோன் மற்றொரு டுவிட் மூலம் குறிப்பிட்டுள்ளார். மேலும் இந்த விஷயத்தில் தனக்கு உதவிய ரசிகர்களுக்கு அவர் நன்றி தெரிவித்துள்ளார்.