Shamna Kasim: நடிகை ஷாம்னா காசிமுக்கு பிறந்த 2வது குழந்தை: 'அல்லாஹ்வின் பரிசு' என கணவர் நெகிழ்ச்சி!

நடிகை ஷாம்னா காசிமிற்கு இரண்டாவது குழந்தை பிறந்துள்ளது. இந்த மகிழ்ச்சியான செய்தியை அவரது கணவர் ஷானித் ஆசிப் அலி சமூக வலைதளத்தில் பகிர்ந்துள்ளார். தாயும் சேயும் நலமாக இருப்பதாக அவர் தெரிவித்துள்ளார்.

Image Credit : Facebook

Shamna Kasim second Baby

தென்னிந்திய நடிகையான ஷாம்னா காசிம் மீண்டும் தாயாகியுள்ளார். அவருக்கு இன்று அதிகாலை ஒரு அழகான பெண் குழந்தை பிறந்துள்ளது. இந்த சந்தோஷமான செய்தியை அவரது கணவர் ஷானித் ஆசிப் அலி, 'அல்லாஹ்வின் விலைமதிப்பற்ற பரிசு' என்ற நெகிழ்ச்சியான குறிப்புடன் பகிர்ந்துள்ளார். தாயும் சேயும் நலமாக இருப்பதாக ஷானித் தெரிவித்துள்ளார். இதைத் தொடர்ந்து, பலரும் அந்த தம்பதிக்கு வாழ்த்துகளைத் தெரிவித்து வருகின்றனர்.

Image Credit : Instagram

ஷாம்னா காசிமிற்கு இரண்டாவது குழந்தை

ஷானித் ஆசிப் அலி தனது சமூக வலைதளப் பதிவில், 'அல்லாஹ்வின் அருளால், இன்று அதிகாலை 4:25 மணிக்கு எங்கள் குடும்பத்தில் ஒரு பெண் குழந்தை பிறந்துள்ளது. அவள் அல்லாஹ்வின் விலைமதிப்பற்ற பரிசு, எங்கள் ஹம்து குட்டியின் அன்பான சகோதரி. இது எங்கள் குடும்பத்திற்குக் கிடைத்த மிகப்பெரிய ஆசீர்வாதம். சுகப்பிரசவம் ஆனது. அல்லாஹ் எங்கள் குழந்தையையும் குடும்பத்தையும் ஆசீர்வதிக்கட்டும். டாக்டர் சஃபா ஃபாத்திமா, பிரசவ அறையில் எங்களுடன் இருந்த செவிலியர்கள் மற்றும் ஆஸ்டர் மருத்துவமனை குழுவினர் அனைவருக்கும் எங்கள் நன்றியைத் தெரிவித்துக் கொள்கிறோம். எங்களுக்காகப் பிரார்த்தனை செய்த அனைத்து அன்பானவர்களுக்கும் நன்றி' என்று குறிப்பிட்டுள்ளார்.

Image Credit : Shamna Kasim Instagram

ஷாம்னா காசிம் ஃபேமிலி

ஷாம்னா காசிம் - ஷானித் தம்பதிக்கு கடந்த 2023, ஏப்ரல் 4 அன்று ஹம்தான் என்ற முதல் மகன் பிறந்தான். ஷானித், ஐக்கிய அரபு அமீரகத்தில் 24 ஆண்டுகள் வாழ்ந்ததன் நினைவாக, துபாய் பட்டத்து இளவரசர் ஷேக் ஹம்தான் பின் முகமது பின் ராஷித் பெயரைத் தனது மகனுக்குச் சூட்டினார். ஷானித் ஆசிப் அலி, JBS குரூப் நிறுவனங்களின் நிறுவனர் மற்றும் தலைமைச் செயல் அதிகாரியாக இருக்கிறார். இவர்களது திருமணம் துபாயில் நடைபெற்றது. கேரளாவின் கண்ணூரைச் சேர்ந்த ஷாம்னா, ஆரம்பத்தில் மேடை நிகழ்ச்சிகள் மூலம் தனது கலைப் பயணத்தைத் தொடங்கி, பின்னர் சினிமாவுக்கு வந்தார்.

Image Credit : Shamna Kasim Instagram

ஷாம்னா காசிம் திரைப்பயணம்

நடிகை ஷாம்னா காசிம் சினிமாவில் பூர்ணா என்கிற பெயரில் அறிமுகமானார். இவர் தமிழில் முனியாண்டி விலங்கியல் மூண்றாம் ஆண்டு என்கிற படத்தின் மூலம் கடந்த 2008-ம் ஆண்டு அறிமுகமானார். இதையடுத்து துரோகி, வேலூர் மாவட்டம், சவரக்கத்தி, வித்தகன், அடங்கமறு, காப்பான், தலைவி போன்ற படங்களில் நடித்திருந்தார். தமிழில் இவர் நடிப்பில் கடைசியாக டெவில் திரைப்படம் ரிலீஸ் ஆனது. அதன்பின் தமிழ் சினிமா பக்கம் அவர் தலைகாட்டவே இல்லை. தற்போது குடும்பத்துடன் துபாயில் செட்டில் ஆகிவிட்டார்.