cinema
நடிகை பூர்ணா தன்னுடைய குழந்தையின் புகைப்படங்களை முதல்முறையாக வெளியிட்டு, பெயரையும் அறிவித்துள்ளார்.
கேரள மாநிலத்தியில் இருந்து, தமிழ் திரையுலகில் அறிமுகமான திறமையான நடிகை பூர்ணா.
இவர் அறிமுகமான போது, ஒரு ஜாடையில் அசின் போலவே இருக்கிறார் என, ரசிகர்கள் கொண்டாடிய நிலையில், ஏனோ இவரால் முன்னணி நடிகையாக ஜொலிக்க முடியாமல் போனது.
ஹீரோயினாக மட்டும் தான் நடிப்பு திறமையை நிரூபிக்க வேண்டும் என எண்ணாமல்... மாறுபட்ட கதாபாத்திரங்களில் நடித்து ரசிகர்களின் கவனத்தை ஈர்த்தார்.
சமீபத்தில் கூட, இவர் நானி ஹீரோவாக நடித்திருந்த 'தசரா' படத்தில் வில்லனின் மனைவியாக சிறப்பான நடிப்பை வெளிப்படுத்தி இருப்பர்.
திரையுலகில் பெரிதாக எந்த ஒரு காதல் சர்ச்சையிலும் சிக்காத பூர்ணா, கடந்த ஆண்டு சானித் ஆசிப் அலி என்பவரை திருமணம் செய்து கொண்ட தகவலை வெளியிட்டார்.
துபாயை சேர்ந்த தொழிலதிபர் என்பதால், பூர்ணாவின் திருமணம் அங்கு தான் நடந்தது.
திருமணத்திற்கு பின்னர், திடீர் என கர்ப்பமாக இருக்கும் தகவலை வெளியிட்டார். பூர்ணாவுக்கு வாழ்த்துக்கள் குவிந்தன.
இந்நிலையில், கடந்த மாதம் தனக்கு ஆண் குழந்தை பிறந்த தகவலை பூர்ணா அறிவித்தார். மருத்துவமனையில் இருந்தபடி இவர் வெளியிட்ட புகைப்படங்களும் வைரலாகியது.
குழந்தை பிறந்து ஒரு மாதத்திற்கு மேல் ஆகும் நிலையில், கணவர் - குழந்தையோடு எடுத்து கொண்ட சில புகைப்படங்களை வெளியிட்டும் குழந்தையின் பெயரையும் அறிவித்துள்ளார்.
அந்த வகையில் குழந்தைக்கு ஹாம்டன் என பெயர் சூட்டியுள்ளார் பூர்ணா. குழந்தை செம்ம கியூட்டாக உள்ளதாக ரசிகர்களும், தங்களின் வாழ்த்துக்களை தெரிவித்து வருகிறார்கள்.