Nayanthara : முதன்முறையாக தோனியுடன் கூட்டணி அமைக்கும் நயன்தாரா? - அட... இது நம்ம லிஸ்ட்லயே இல்லையே

காத்துவாக்குல ரெண்டு காதல் படத்தின் வெற்றியைத் தொடர்ந்து நடிகை நயன்தாரா நடிப்பில் தற்போது ஓ2 திரைப்படம் உருவாகி உள்ளது. ஜி.எஸ்.விக்னேஷ் இயக்கியுள்ள இப்படம் விரைவில் ஓடிடி-யில் ரிலீசாக உள்ளது. இதைத்தொடர்ந்து சிரஞ்சீவியின் காட்ஃபாதர், ஷாருக்கானுடன் லயன், மலையாளத்தில் அல்போன்ஸ் புத்திரன் இயக்கும் கோல்டு போன்ற படங்களை கைவசம் வைத்துள்ளார்.

இந்நிலையில், நடிகை நயன்தாரா, அடுத்ததாக நடிக்க உள்ள தமிழ் படத்தை சென்னை சூப்பர் கிங்ஸ் அணியின் கேப்டனும், முன்னாள் இந்திய கிரிக்கெட் வீரருமான எம்.எஸ்.தோனி தயாரிக்க உள்ளதாக தகவல் வெளியாகி உள்ளது. தமிழ் படங்களின் மீதுள்ள காதலால் அவர் இப்படத்தை தயாரிக்க முடிவு செய்திருப்பதாக கூறப்படுகிறது.

தோனி நடித்த விளம்பரத்தை அண்மையில் இயக்குனர் விக்னேஷ் சிவன் இயக்கி இருந்தார். ஆதலால் தோனி தயாரிப்பில் நயன்தாரா நடிக்க உள்ள படத்தையும் அவரே இயக்க வாய்ப்பு இருப்பதாக தகவல்கள் பரவி வருகின்றன. இப்படத்தின் படப்பிடிப்பை முதலில் இம்மாத இறுதியில் தொடங்க திட்டமிட்டிருந்தார்களாம்.

ஆனால் நடிகை நயன்தாராவுக்கும், இயக்குனர் விக்னேஷ் சிவனுக்கு அடுத்த மாதம் 9ந் தேதி திருமணம் நடக்க இருப்பதாக கூறப்படுவதனால், திருமணம் முடிந்த பின்னர் படப்பிடிப்பை தொடங்க முடிவு செய்துள்ளதாக கூறப்படுகிறது. இப்படத்தில் நடிக்கும் இதர நடிகர், நடிகைகள் குறித்த அப்டேட்டும் விரைவில் வெளியிடப்பட உள்ளதாம்.

இதையும் படியுங்கள்... Mumtaj : நடிகை மும்தாஜ் வீட்டில் டார்ச்சர் தாங்க முடியல... பணிப்பெண் பகீர் புகார் - போலீசார் தீவிர விசாரணை