51 வயதிலும் கிளாமர் உடையில் போட்டோஷூட்... இளம் நடிகைகளுக்கு டஃப் கொடுக்கும் குஷ்பு - வைரலாகும் கியூட் கிளிக்ஸ்

Khushbu : உடல் எடையை குறைத்த பின்னர் விதவிதமாக போட்டோஷூட் நடத்துவதை வழக்கமாக வைத்துள்ள குஷ்பு தற்போது கிளாமர் உடையில் எடுத்த புகைப்படங்களை பதிவிட்டுள்ளார்.

தமிழ் சினிமாவில் 1980, 90-களில் முன்னணி நடிகையாக வலம் வந்தவர் குஷ்பு. சினிமாவில் முன்னணி நடிகையாக வலம் வந்த போதே இயக்குனர் சுந்தர் சி மீது காதல் வயப்பட்ட குஷ்பு, அவரை திருமணமும் செய்துகொண்டார். இவர்களுக்கு இரண்டு பெண் குழந்தைகளும் உள்ளனர்.

இந்திய சினிமா வரலாற்றிலேயே முதன்முறையாக நடிகை ஒருவருக்கு கோவில் கட்டப்பட்டது என்றால் அது குஷ்புவுக்கு தான். அந்த அளவுக்கு மக்கள் மத்தியில் பாப்புலராக இருந்தார் குஷ்பு. அதேபோல் தமிழ்நாட்டில் இன்றளவும் குஷ்பு இட்லி பேமஸாக உள்ளது.

திருமணத்துக்கு பின்னர் படங்களில் நடிப்பதை குறைத்துக் கொண்ட குஷ்பு, அரசியலில் ஆர்வம் காட்டத் தொடங்கினார். அவர் முதன்முதலில் கலைஞர் முன்னிலையில் கடந்த 2010-ம் ஆண்டு திமுக-வில் இணைந்து தனது அரசியல் பயணத்தை தொடங்கினார்.

இதன்பின்னர் 2014-ம் ஆண்டு திமுக-வில் இருந்து விலகிய குஷ்பு, அதே ஆண்டில் காங்கிரஸில் இணைந்தார். 6 ஆண்டுகள் அக்கட்சியில் பணியாற்றிய குஷ்பு, கடந்த 2020-ம் ஆண்டு அதிலிருந்து விலகி பாஜக-வில் இணைந்தார். அடுத்த ஆண்டே அக்கட்சி சார்பில் சட்டமன்ற தேர்தலிலும் போட்டியிட்டார். ஆனால் அந்த தேர்தலில் அவர் தோல்வியை தழுவினார். 

இதையும் படியுங்கள்... தனுஷ் செய்த தரமான சம்பவம்... முதல் நாளிலேயே வலிமை, ஆர்.ஆர்.ஆர் பட வசூலை முறியடித்த திருச்சிற்றம்பலம்

திருமணத்துக்கு பின்னர் உடல் எடை கூடி காணப்பட்ட குஷ்பு கடந்த ஆண்டு திடீரென உடல் எடையை குறைத்து அனைவருக்கும் அதிர்ச்சி கொடுத்தார். தீவிர உடற்பயிற்சி மூலம் உடல் எடையை குறைத்த அவர் படு ஸ்லிம்மாக மாறிவிட்டார்.

உடல் எடையை குறைத்த பின்னர் விதவிதமாக போட்டோஷூட்டும் நடத்தி வருகிறார் குஷ்பு. அந்த வகையில், தற்போது ஜொலிக்கும் கிளாமர் உடையில் போட்டோஷூட் நடத்தி அவர் வெளியிட்டுள்ள புகைப்படங்கள் வைரலாகி வருகின்றன. 

அந்த புகைப்படங்களை பார்த்த ரசிகர்கள் அவர் 51 வயதிலும் இளம் ஹீரோயின் போல் ஜொலிப்பதாக கமெண்ட் செய்து வருகின்றனர். குஷ்புவின் இந்த லேட்டஸ்ட் புகைப்படங்களுக்கு லைக்குகளும் குவிந்து வருகின்றன.

இதையும் படியுங்கள்... 20 கோடி வரை சம்பளம்...ஆனால் ஒரு நாள் கூட்டத்தை கூட கூட்ட துப்பிள்ளை..நடிகர்களை வாரிய சுந்தர் சி