நடிகை அமலாபால் வீட்டில் நடந்த விசேஷம்..! வெளியான புகைப்படங்கள்
நடிகை அமலாபால் தன்னுடைய குழந்தைக்கு சர்ச்சில் கிறிஸ்துவ முறைப்படி ஞானஸ்நானம் செய்துள்ளார். அந்த புகைப்படங்கள் இணையத்தில் வைரலாகி வருகிறது.
அமலாபால் தமிழ் திரையுலக அறிமுகம்
‘சிந்து சமவெளி’ படத்தின் மூலமாக தமிழ் திரையுலகுக்கு அறிமுகமானவர் அமலாபால். முதல் படத்திலேயே சர்ச்சைக்குரிய கதாபாத்திரத்தில் நடித்திருந்தார். படம் வெளியான போது இவர் பலராலும் விமர்சிக்கப்பட்டார். இந்த விமர்சனமே இவரது வளர்ச்சிக்கு காரணமாக அமைந்தது. தொடர்ந்து பிரபு சாலமன் இயக்கத்தில் வெளியான ‘மைனா’ படம் இவருக்கு திருப்பு முனையாக அமைந்தது. இந்த படத்தில் இவரது நடிப்பு பெரிய அளவில் பேசப்பட்டது.
அமலாபால் - ஏ.எல்.விஜய் விவாகரத்து
தொடர்ந்து விஜய்யுடன் இணைந்து ‘தலைவா’ படத்தில் நடித்தார். அதன் பின்னர் சூர்யா, தனுஷ், விக்ரம் என பல முன்னணி ஹீரோக்குளுடன் இணைந்து நடித்தார். ‘தலைவா’ படத்தில் நடித்துக் கொண்டிருந்தபோது படத்தின் இயக்குனர் ஏ.எல். விஜய்யுடன் அமலாபாலுக்கு காதல் ஏற்பட்டது. பின்னர் பெற்றோரின் சம்மதத்துடன் இருவரும் திருமணம் செய்து கொண்டனர். ஆனால் இருவருக்கும் இடையே ஏற்பட்ட மனக்கசப்பு காரணமாக சில வருடங்களிலேயே விவாகரத்து பெற்றனர். விவாகரத்துக்குப் பின்னர் சில படங்களில் நடித்து வந்த அமலா பாலுக்கு ஜெகத் தேசாய் என்பவர் உடன் இரண்டாவது திருமணம் நடைபெற்றது.
அமலாபாலின் இரண்டாவது திருமணம்
இவர்களின் திருமணம் கத்தோலிக்க முறைப்படி நடைபெற்றது. திருமணத்திற்கு பின்னர் கணவருடன் வெளிநாடு செல்வது, டூர் செல்வது போன்ற புகைப்படங்களை அடிக்கடி வெளியிட்டு வந்தார். திருமணம் ஆன சில நாட்களிலேயே கர்ப்பமாக இருப்பதாக அறிவித்திருந்தார். இதனால் அமலாபால் திருமணத்திற்கு முன்பே கர்ப்பமாக இருந்தாரா என்ற பேச்சுகளும் எழுந்தது. இந்த நிலையில் அமலா பாலுக்கு கடந்த வருடம் ஆண் குழந்தை பிறந்தது. குழந்தைக்கு ‘இலை’ என பெயர் வைத்திருப்பதாக அமலாபால் அறிவித்தார்.
குழந்தைக்கு ஞானஸ்நானம்
இந்த நிலையில் தன்னுடைய மகனுக்கு கிறிஸ்தவ முறைப்படி ஞானஸ்நானம் செய்துள்ளார். அந்த புகைப்படங்களை அவர் சமூக வலைதளங்களில் பகிர்ந்துள்ளார்.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
