சால்ட் அண்ட் பெப்பர் லுக்கில் தல அஜித்துக்கு டஃப் கொடுக்கும் விவேக்... நியூ லுக்கில் அசத்தல் போட்டோ ஷூட்...!

First Published Oct 28, 2020, 2:32 PM IST

நடிகர் விவேக் தானா இது? என ரசிகர்கள் எல்லாம் ஆச்சர்யப்படும் அளவிற்கு அசத்தலான லுக்கில் போட்டோ ஷூட் ஒன்றை நடத்தி முடித்துள்ளார்.

தமிழ் சினிமாவின் தவிர்க்க முடியாத நடிகர்களில் ஒருவர் விவேக். காமெடி நடிகராக வந்து ஜோக் சொல்லி சிரிக்க வைத்தால் மட்டும் போதும் என்று இல்லாமல் தனது கருத்தால் பலரையும் சிந்திக்க வைக்க கூடியவர்.

தமிழ் சினிமாவின் சின்ன கலைவாணர் என அழைக்கப்படுகிறார். இதுவரை தமிழக அரசின் சிறந்த நகைச்சுவை நடிகருக்கான விருதை 3 முறை பெற்றுள்ளார். பத்மஸ்ரீ விருதையும் பெற்றுள்ளார்.

முன்னாள் குடியரசுத் தலைவர் அப்துல் கலாம் அவர்கள் கேட்டுக்கொண்டதற்கு இணங்க தமிழகத்தில் ஒரு கோடி மரக்கன்றுகளை நடும் பணியில் தீவிரமாக ஈடுபட்டு வருகிறார்.

இப்படி திரைத்துறையை தாண்டி சமூக சேவையிலும் தனது அக்கறையை செலுத்தி வரும் நடிகர் விவேக், சத்தமே இல்லாமல் புத்தம் புது லுக்கில் அசத்தலான போட்டோ ஷூட் நடத்தியுள்ளார்.