Ethirneechal Serial: எதிர்நீச்சல் சீரியலில் இருந்து விலகும் முக்கிய பிரபலம்.! ஏன்? வெளியான அதிர்ச்சி காரணம்.!

'எதிர்நீச்சல்' சீரியலில் முக்கிய கதாபாத்திரத்தில் நடித்து வரும், பிரபல நடிகர் ஒருவர்... இந்த தொடரில் இருந்து விலக உள்ளதாக, தகவல் ஒன்று வெளியாகி ரசிகர்களை அதிர்ச்சியடைய செய்துள்ளது. 

ஆணாதிக்கத்தை எதிர்த்து போராடும், ஜனனி என்கிற பெண்ணை மையமாக வைத்து பல்வேறு திருப்புமுனைகளுடன் ஒளிபரப்பாகி வருகிறது 'எதிர்நீச்சல்' தொடர். இதில் இயக்குனரும், நடிகருமான மாரிமுத்து குணசேகரன் என்கிற வலிமையான கதாபாத்திரத்தை ஏற்று மிகவும் எதார்த்தமாக தன்னுடைய நடிப்பை வெளிப்படுத்தி வருகிறார்.

மேலும் முக்கிய கதாபாத்திரத்தில் கனிகா, பிரியதர்ஷினி, ஹரிப்ரியா, விபு ராமன், சத்யபிரியா, உள்ளிட்ட பலர் நடித்து வருகின்றனர். இந்த தொடரை இயக்குனர் திருச்செல்வம் இயக்க... சீரியல் நடிகை ஸ்ரீவித்யா வசனம் எழுதி வருகிறார். கடந்த 2022 ஆம் ஆண்டு துவங்கப்பட்ட இந்த சீரியல், ஒன்றரை வருடங்களை கடந்து மிகப்பெரிய வரவேற்பை பெற்று வருகிறது.

தற்போது இந்த சீரியலில், ஆதிரையை அவரின் காதலனுக்கு திருமணம் செய்து வைக்காமல்... குணசேகரன்  கரிகாலனுக்கு திருமணம் செய்து வைத்துள்ள நிலையில், அதனை ரிஜிஸ்டர் செய்யவும் முயற்சித்து வருகிறார். எனவே அடுத்து என்ன நடக்கும்? என்பது மிகப்பெரிய எதிர்பார்ப்பை ஏற்படுத்தியுள்ளது. யூகிக்க முடியாத திருப்பங்களுடன் சென்று கொண்டிருக்கும் இந்த சீரியலில் இருந்து, பிரபல நடிகர் வெளியேற உள்ளதாக தற்போது புதிய தகவல் ஒன்று வெளியாகி உள்ளது.

இந்த சீரியலில் எஸ் கே ஆரின் கடைசி தம்பியாகவும், ஆதிரையின், காதலராகவும் நடித்து வந்தவர் மது கார்த்திக். அருண் என்கிற கதாபாத்திரத்தில் இவர் நடித்து வந்த நிலையில், இவருடைய கதாபாத்திரம் முக்கியத்துவம் இல்லாத வகையிலேயே சென்று கொண்டிருப்பதால்... இந்த சீரியலில் இருந்து அவர் விலக முடிவெடுத்துள்ளதாகவும், எனவே விரைவில் இவருக்கு பதில் மற்றொரு பிரபலம் இந்த சீரியலில் இணைவார் என எதிர்பார்க்கப்படுகிறது.