புதிய பட அறிவிப்பை வெளியிட்ட கார்த்தி... தீபாவளியில் நடந்த பூஜை... இயக்குநர் யார் தெரியுமா?
தற்போது தனது புதிய படம் குறித்த அதிகாரப்பூர்வ அறிவிப்பை வெளியிட்டுள்ளார்.
ரெமோ பட இயக்குனர் பாக்கியராஜ் கண்ணன் இயக்கத்தில் கார்த்தி நடித்துள்ள படம் சுல்தான். ட்ரீம் வாரியர் பிக்சர்ஸ் தயாரிக்கும் இந்தப் படத்தில் கார்த்திக்கு ஜோடியாக ராஷ்மிகா மந்தனா நடித்துள்ளார்.
பிரம்மாண்ட பட்ஜெட்டில் உருவாகி இருக்கும் இப்படத்திற்கு விவேக்-மெர்வின் இசையமைத்துள்ளனர். இப்படத்தின் படப்பிடிப்பு முடிந்து இறுதிக்கட்ட பணிகள் விறுவிறுப்பாக நடைபெற்று வருகிறது.
இப்படத்தை பொங்கல் தினத்தன்று வெளியிட படக்குழு திட்டமிட்டு வருவதாக கூறப்படுகிறது. விரைவில் இதுகுறித்த அறிவிப்பு வெளியாகும் என எதிர்பார்க்கப்படுகிறது.
தற்போது தனது புதிய படம் குறித்த அதிகாரப்பூர்வ அறிவிப்பை வெளியிட்டுள்ளார். இயக்குநர் பி.எஸ்.மித்ரன் உடன் முதன் முறையாக இணைவது குறித்து அறிவிப்பு வெளியாகியுள்ளது.
“இரும்புத்திரை”, “ஹீரோ” என முற்றிலும் வித்தியாசமான கதைக்களங்களை தேர்வு செய்து இயக்கிய வந்த பி.எஸ்.மித்ரன் உடன் கார்த்தி இணைந்துள்ளது ரசிகர்களிடையே மிகப்பெரிய எதிர்பார்ப்பை உருவாக்கியுள்ளது.
ஜி.வி. பிரகாஷ்குமார் இசையமைக்க, இப்படத்தின் பாடல் பதிவும் பூஜையுடன் இன்று ஆரம்பமானது. பிரம்மாண்டமான ஆக்ஷன் அம்சங்களைக் கொண்டு உருவாகும் இப்படத்தில் நடிக்கும் பிற நடிகர், நடிகைகள் மற்றும் தொழில்நுட்ப கலைஞர்கள், படப்பிடிப்பு போன்ற விவரங்கள் விரைவில் அறிவிக்கப்படும் என எதிர்பார்க்கப்படுகிறது.
பெயரிடப்படாத இந்தப் புதிய படத்தை பிரின்ஸ் பிக்சர்ஸ் சார்பில் S.லக்ஷ்மன்குமார் தயாரிக்கிறார். ‘புரொடக்ஷன் 4’ படைப்பாக பிரமாண்ட பொருட்செலவில் இது உருவாக்கப்படவிருக்கிறது.