Karan : ஆன்ட்டியால் அழிந்தாரா விஜய்யின் ஜிகிரி தோஸ்து? சினிமாவை விட்டு விலகிய கரண் இப்போ எங்கு இருக்கிறார்?

Karan’s Untold Story தமிழ் சினிமாவில் முன்னணி குணச்சித்திர நடிகராக ஒரு காலத்தில் கொடிகட்டிப் பறந்தவர் நடிகர் கரண். அவர் தற்போது எங்கு இருக்கிறார்? என்ன செய்கிறார் என்பதை பார்க்கலாம்.

Image Credit : facebook/Karanoffl

The Rise and Fall of Actor Karan

தமிழ் திரையுலகில் பல்வேறு விதமான கதாபாத்திரங்களில் நடித்துத் தனக்கென ஒரு ரசிகர் வட்டத்தை உருவாக்கியவர் நடிகர் கரண். குழந்தை நட்சத்திரமாக தொடங்கிய அவரது பயணம், பின்னர் குணச்சித்திர நடிகர், வில்லன் மற்றும் ஹீரோ என பல பரிமாணங்களில் வளர்ந்தது குறிப்பிடத்தக்கது. சிறுவயதிலேயே மலையாள திரைப்படங்களில் குழந்தை நட்சத்திரமாக அறிமுகமான கரண், பின்னர் எங்க பாட்டன் சொத்து உள்ளிட்ட தமிழ் படங்களிலும் நடித்தார். ஆரம்பத்தில் சிறிய கதாபாத்திரங்களில் நடித்த அவர், தனது தனித்துவமான நடிப்பால் ரசிகர்களின் கவனத்தை ஈர்த்தார்.

Image Credit : facebook/Karanoffl

கரணின் திரைப்பயணம்

கரணுக்கு பெரிய திருப்பமாக அமைந்த படம் நம்மவர். கமல்ஹாசன் நடித்த இந்த திரைப்படத்தில் எதிர்மறை கதாபாத்திரத்தில் நடித்த கரண், தனது நடிப்பால் தனி அடையாளம் பெற்றார். அதேபோல் அண்ணாமலை படத்தில் ரஜினிகாந்த் உடன் நடித்த காட்சிகளும் ரசிகர்களிடம் நல்ல வரவேற்பைப் பெற்றன. 2000களில், முன்னணி நடிகர்களான விஜய், அஜித் மற்றும் பிரசாந்த் ஆகியோரின் நண்பனாக நடித்தது கரணின் சினிமா பயணத்தில் முக்கிய இடம் பிடித்தது. லவ் டுடே, கண்ணெதிரே தோன்றினால் மற்றும் உன்னைத் தேடி போன்ற படங்களில் அவரது நடிப்பு ரசிகர்களிடம் வரவேற்பைப் பெற்றது.

Image Credit : X

அஜித், விஜய்யின் ஜிகிரி தோஸ்து

அந்த காலத்தில் ரஜினி, கமலுக்கு சரத்பாபு இருந்தது போல, அஜித் மற்றும் விஜய்க்கு ஜிகிரி தோஸ்து கதாபாத்திரம் என்றால் கரண் என்ற நிலை உருவானது. இதன் பின்னர் சில திரைப்படங்களில் கதாநாயகனாகவும் நடித்தார். விமர்சன ரீதியாக நல்ல வரவேற்பு கிடைத்தாலும், வசூல் அளவில் அவரது ஹீரோ படங்கள் பெரிய வெற்றியைப் பெறவில்லை. திரையுலகில் ஆரம்ப காலங்களில் சம்பள பிரச்சனைகள் மற்றும் தயாரிப்பாளர்களால் ஏற்பட்ட ஏமாற்றங்களை சந்தித்ததாகவும் கூறப்படுகிறது. பின்னர் தனது சம்பள விஷயங்களில் மிகவும் கவனமாக நடந்துகொண்டதாக தகவல்கள் வெளியாகின.

Image Credit : facebook/Karanoffl

காணாமல் போன கரண்

மேலும், கரணின் திரைப்பயணத்தில் அவருடன் இருந்த பெண் மேனேஜர் குறித்து அக்காலத்தில் பல கிசுகிசுக்கள் பரவின. அவரது சினிமா வாய்ப்புகள் குறைந்ததற்கும் அந்த மேனேஜர் காரணம் என்ற தகவல்கள் வெளியாகினாலும், அவை உறுதிப்படுத்தப்படாதவை என்பதும் குறிப்பிடத்தக்கது. ஒரு காலத்தில் ரசிகர் மன்றங்கள் மூலம் சமூக சேவைகளிலும் ஈடுபட்ட கரண், தற்போது குடும்பத்துடன் அமெரிக்காவில் வசித்து வருகிறார் என கூறப்படுகிறது. அவர் மீண்டும் சினிமாவில் நடிக்க வேண்டும் என்பதே ரசிகர்களின் எதிர்பார்ப்பாக உள்ளது. அவர் மீண்டும் தமிழ் சினிமாவில் வில்லன் அல்லது குணச்சித்திர வேடங்களில் நடிப்பாரா என்பதை பொறுத்திருந்து தான் பார்க்க வேண்டும்.