தீபாவளி ரேஸில் வரிசைகட்டும் மாஸ் படங்கள்... ஏகே 61 படத்தின் ரிலீஸ் தேதியை மாற்ற அஜித் திட்டம்
AK 61 release date : தீபாவளி ரேஸில் கார்த்தியின் சர்தார், சிவகார்த்திகேயனின் பிரின்ஸ், ஜெயம் ரவியின் இறைவன் வரிசைகட்டி வருவதால், ஏகே 61 படத்தை பிரம்மாண்டமாக வெளியிட முடியாத சூழல் உருவாகி உள்ளது.
நடிகர் அஜித் நடிப்பில் தற்போது ஏகே 61 திரைப்படம் தயாராகி வருகிறது. போனிகபூர் தயாரிக்கும் இப்படத்தை எச்.வினோத் இயக்கி வருகிறார். இப்படத்தில் பிரபல மலையாள நடிகை மஞ்சு வாரியரும் முக்கிய கதாபாத்திரத்தில் நடித்து வருகிறார். ஜிப்ரான் இசையமைக்கும் இப்படத்திற்கு நிரவ் ஷா ஒளிப்பதிவு செய்கிறார்.
ஏகே 61 படத்தின் படப்பிடிப்பு தற்போது இறுதிக்கட்டத்தை எட்டி உள்ளது. நடிகர் அஜித் சம்பந்தப்பட்ட காட்சிகள் 90 சதவீதம் படமாக்கப்பட்டுவிட்டதால் அவருக்கு தற்போது ஓய்வு அளிக்கப்பட்டுள்ளது. இதன்காரணமாக வெளிநாட்டுக்கு சுற்றுலா சென்றுள்ள நடிகர் அஜித், அங்கு ஜாலியாக பைக் ட்ரிப் சென்றுள்ளார். இங்கிலாந்து, ஐரோப்பா நாடுகளில் அவர் பைக்கில் சுற்றுப்பயணம் மேற்கொண்டபோது எடுத்த புகைப்படங்கள் சமூக வலைதளங்களை ஆக்கிரமித்துள்ளன.
இதையும் படியுங்கள்... ராதிகாவ நான் ஏன் அம்மானு கூப்பிடனும்... அவங்க எனக்கு ஆண்ட்டி தான் - ஓப்பனாக சொன்ன நடிகை வரலட்சுமி
அஜித்தின் ஏகே 61 படத்தை இந்த ஆண்டு தீபாவளிக்கு வெளியிட திட்டமிட்டிருந்தனர். ஆனால் தற்போது தீபாவளி ரேஸில் கார்த்தியின் சர்தார், சிவகார்த்திகேயனின் பிரின்ஸ், ஜெயம் ரவியின் இறைவன் வரிசைகட்டி வருவதால், ஏகே 61 படத்தை பிரம்மாண்டமாக வெளியிட முடியாத சூழல் உருவாகி உள்ளது. இதனால் அப்படத்தின் ரிலீஸ் தேதி மாற்றப்பட உள்ளதாக கூறப்படுகிறது.
இதையும் படியுங்கள்... ‘நண்பர்’ அஜித் உடன் இணைந்து நடிக்கும் விஜய்.. சரவெடியாய் தயாராக உள்ள பேன் இந்தியா படம்- சொன்னது யார் தெரியுமா?
அதன்படி அஜித்தின் ஏகே 61 படத்தின் ரிலீஸ் தேதியை டிசம்பர் மாதத்துக்கு தள்ளிவைக்க படக்குழு திட்டமிட்டுள்ளதாம். சமீபத்திய தகவல்படி இப்படத்தை டிசம்பர் மாத இறுதியில் கிறிஸ்துமஸ் பண்டிகை விடுமுறையில் வெளியிட முடிவு செய்துள்ளதாகவும், விரைவில் இதுகுறித்த அதிகாரப்பூர்வ அறிவிப்பை படக்குழு வெளியிடும் என்றும் தெரிவிக்கப்பட்டு உள்ளது.
இதையும் படியுங்கள்... விக்ரமில் என்னோட எண்ட்ரி சீனில் நடிக்க பயந்தேன்... ஏன் தெரியுமா? - விஜய் சேதுபதி சொன்ன சீக்ரெட்