‘நண்பர்’ அஜித் உடன் இணைந்து நடிக்கும் விஜய்.. சரவெடியாய் தயாராக உள்ள பேன் இந்தியா படம்- சொன்னது யார் தெரியுமா?

தமிழ் சினிமாவில் டாப் ஹீரோக்களாக வலம் வருபவர்கள் விஜய், அஜித். இவர்கள் இருவரும் நெருங்கிய நண்பர்களாக இருந்தாலும், இவர்களது ரசிகர்கள் எப்போது எலியும் பூனையுமாக தான் இருந்து வருகின்றனர். இவர்கள் இருவரது படங்களும் ஒரே நாளில் ரிலீசானாலே திரையரங்குகளில் திருவிழா போல இருக்கும். அதுவே இவர்கள் இருவரும் ஒன்றாக நடித்த படம் ரிலீசானால் என்ன ஆகும். 

அஜித்தும், விஜய்யும் இணைந்து நடிக்க மாட்டார்களா என ஏங்கி வந்த ரசிகர்களுக்கு தற்போது ஒரு குட் நியூஸ் கிடைத்துள்ளது. விரைவில் நடிகர்கள் விஜய்யும், அஜித்தும் இணைந்து ஒரு பேன் இந்தியா படத்தில் நடிக்க உள்ளதாக பிரபல இயக்குனர் வெங்கட் பிரபுவின் தந்தையும், பன்முகத்திறமை கொண்ட கலைஞருமான கங்கை அமரன் தெரிவித்துள்ளார்.

அஜித் - விஜய் இணைந்து நடிக்க உள்ள படம் குறித்த அறிவிப்பு விரைவில் வரும் என தெரிவித்துள்ள அவர், அப்படத்தை அவரது மகன் வெங்கட் பிரபு இயக்க உள்ளதாகவும் கூறி உள்ளார். கங்கை அமரன் வெளியிட்டுள்ள இந்த மாஸான அப்டேட்டால் விஜய் - அஜித் ரசிகர்கள் உற்சாகத்தில் துள்ளிக்குதித்து வருகின்றனர்.

மறுபுறம் கோலிவுட் வட்டாரத்தில் இதுகுறித்து விசாரித்தபோது, அப்படியெல்லாம் எதுவும் இல்லை, அது வெறும் வதந்தி என கூறுகின்றனர். அப்படியென்றால் கங்கை அமரன் எதற்காக அப்படி சொன்னார் என்கிற கேள்வியும் எழத்தொடங்கி உள்ளது. இதில் எது உண்மை என்பதற்கு இயக்குனர் வெங்கட் பிரபு தான் பதிலளிக்க வேண்டும்.

இதையும் படியுங்கள்... Rajinikanth Salary : ரூ.100 கோடி பத்தாது... ஜெயிலர் படத்துக்காக சம்பளத்தை கிடுகிடுவென உயர்த்திய ரஜினி