ஆத்தி... பிலிம் ஃபேர் நிகழ்ச்சிக்கு கீர்த்தி சுரேஷ் அணிந்து வந்த உடை இத்தனை லட்சமா? ஷாக் ஆகிடாதீங்க !

'தசரா' திரைப்படத்தில் நடித்ததற்காக சிறந்த நடிகைக்கான பிலிம் ஃபேர் விருதை பெற்றுள்ள கீர்த்தி சுரேஷ், விருது விழாவிற்கு அணிந்து வந்திருந்த உடையின் விலை குறித்த தகவல் தற்போது வெளியாகி ரசிகர்களை ஷாக் ஆக்கி உள்ளது. 

தெலுங்கு திரை உலகில் முன்னணி நடிகையாக இருக்கும் கீர்த்தி சுரேஷ், தமிழ், தெலுங்கு, மலையாளம் , போன்ற தென்னிந்திய மொழிகளில் தொடர்ந்து அழுத்தமான கதாபாத்திரத்தை வெளிப்படுத்தும் படங்களை தேர்வு செய்து நடித்து வருகிறார்.

அந்த வகையில் கீர்த்தி நடித்த 'மகாநடி' திரைப்படத்திற்கு பின்னர் இவரது கதாபாத்திரம் அதிகம் பேசப்பட்ட படம் என்றால், அது கடந்த ஆண்டு தெலுங்கு நடிகர் நானிக்கு ஜோடியாக இவர் நடித்த 'தசரா' திரைப்படம் தான். சுமார்100 கோடி வசூல் கிளப்பில் இணைந்தது மட்டுமின்றி, விமர்சன ரீதியாகவும் பாராட்டுகளை பெற்றது.

இந்நிலையில் இப்படம் 69ஆவது சோபா ஃபிலிம் விருது நிகழ்ச்சியில், சுமார் 6 விருதுகளை அள்ளியுள்ளது. அதன்படி 'தசரா' படத்திற்காக சிறந்த நடிகருக்கான விருது நானிக்கும், சிறந்த ஹீரோயினுக்கான விருது கீர்த்தி சுரேஷுக்கும், சிறந்த ஒளிப்பதிவாளருக்கான விருது சத்யம் சூரியன் மற்றும் பிரேம் ரக்ஷித் ஆகியோருக்கு கிடைத்துள்ளது. இதை தவிர, சிறந்த தயாரிப்பு வடிவமைப்பாளராக கொள்ள அவினாஷுக்கும், சிறந்த அறிமுக இயக்குனருக்கான விருது ஸ்ரீகாந்த் ஒடிலாவுக்கும் கிடைத்துள்ளது.

மேலும் பல பல பிரபலங்கள் பிலிம் ஃபேர் விருதை பெற்றுள்ளனர். இதுகுறித்த புகைப்படங்கள் சமூக வலைத்தளத்தில் வைரலாகி வருகிறது. தற்போது, பிலிம் ஃபேர் விருது விழாவிற்கு நடிகை கீர்த்தி சுரேஷ் அணிந்து வந்த உடை மற்றும், அவரது நெக்லஸ் மதிப்பு குறித்த தகவல் கசிந்துள்ளது.

கீர்த்தி சுரேஷ் அணிந்து வந்த கவர்ச்சியான வெள்ளை நிறம் கொண்ட அந்த மாடர்ன் உடையின் இந்திய மதிப்பு, ரூ.3 லட்சத்து 19 ஆயிரம் என கூறப்படுகிறது. மேலும் இந்த உடைக்கு எடுப்பாக கீர்த்தி அணிந்திருந்த சில்வர் எமரால்டு நெக்லஸ் ரூ.9,800 என கூறப்படுகிறது.