Mystery Movies : யாரும் அதிகம் பேசாத இந்த 5 படங்களின் மர்மம் கடைசி வரை விடாது!

Mystery Movies : அதிகம் பரபரப்பாக பேசப்படாதாலும், ஆரம்பித்த பிறகு அடுத்தது என்ன நடக்கும் என்ற ஆர்வத்தை ஏற்படுத்தும் 5 அட்டகாசமான மர்மப் படங்கள் இதோ! ஒவ்வொரு படமும் வித்தியாசமான கதைக்களத்துடன் உங்களை கடைசி வரை யோசிக்க வைக்கும்.

Image Credit : coherencemovie Instagram Page

1. கோஹெரன்ஸ் (Coherence)

ஒரு காமெட் பூமியைக் கடக்கும் இரவில் நண்பர்கள் ஒன்றாக இரவு உணவுக்காக கூடுகிறார்கள். திடீரென மின்சாரம் துண்டிக்கப்பட்ட பிறகு, அவர்களைச் சுற்றி நடக்கும் விசித்திரமான சம்பவங்கள் கதையை வேறொரு தளத்துக்குக் கொண்டு செல்கின்றன. ஒரே இரவில் நடக்கும் இந்த சயின்ஸ்-ஃபிக்‌ஷன் மர்மம், “உண்மையில் எது நிஜம்?” என்று கடைசி வரை யோசிக்க வைக்கும்.

இதையும் படிங்க : Funeral Rituals : இறுதிச் சடங்குல மண்பானையை ஏன் உடைக்கிறாங்க? இதுக்குப் பின்னாடி இவ்வளவு அர்த்தமா?

Image Credit : thebodymovie Instagram Page

2. தி பாடி (The Body)

ஒரு பெண்ணின் உடல் மோர்ச்சரியில் இருந்து திடீரென காணாமல் போகிறது. அதைத் தேடும் போலீஸ் விசாரணை தொடங்கியதும், அந்தப் பெண்ணின் கணவர் மீதான சந்தேகமும் அதிகரிக்கிறது. ஒவ்வொரு தகவலும் முந்தைய தகவலையே கேள்விக்குள்ளாக்கும் இந்த ஸ்பானிஷ் த்ரில்லர், கடைசி வரை உண்மையை மறைத்து வைத்திருக்கும் மர்மப் படம்.

இதையும் படிங்க : Indian Drinks : காபி, டீ இல்லாத காலத்துல நம்ம முன்னோர்கள் என்ன குடிச்சாங்க?

Image Credit : remnantglimpse Instagram Page

3. ஃபார்காட்டன் (Forgotten)

கடத்தப்பட்ட தனது அண்ணன் 19 நாட்களுக்குப் பிறகு வீட்டுக்குத் திரும்பி வருகிறார். ஆனால், அவர் திரும்பி வந்த பிறகு அவரது நடவடிக்கைகளில் ஏதோ வித்தியாசம் இருப்பதைத் தம்பி கவனிக்கத் தொடங்குகிறார். அதன்பிறகு குடும்பத்துக்குள் இருக்கும் ரகசியங்கள் ஒவ்வொன்றாக வெளிவருகின்றன. ஒரு கட்டத்தில் நீங்கள் நினைப்பதை எல்லாம் தலைகீழாக மாற்றும் கொரியன் மர்மத் திரைப்படம் இது.

இதையும் படிங்க : Air Fryer : ஏர் ஃபிரையரில் சமைக்கும்போது கேன்சர் அபாயத்தை அதிகரிக்காமல் இருக்க இந்த 7 விஷயங்களை கவனிங்க!

Image Credit : realadamwhite Instagram Page

4. தி வாஸ்ட் ஆஃப் நைட் (The Vast of Night)

1950-களில் அமெரிக்காவின் ஒரு சிறிய நகரம். இரவு நேரத்தில் ரேடியோ DJ மற்றும் தொலைபேசி ஆபரேட்டர் இருவரும் இதுவரை கேட்டிராத ஒரு மர்மமான ஒலி அலைவரிசையைக் கண்டுபிடிக்கிறார்கள். அந்த ஒலி எங்கிருந்து வருகிறது, அதன் பின்னால் என்ன இருக்கிறது என்ற கேள்வியை மையமாக வைத்து மெதுவாக பதற்றத்தை அதிகரிக்கும் வித்தியாசமான சயின்ஸ்-ஃபிக்‌ஷன் மர்மப் படம்.

இதையும் படிங்க : Green Chillies : வீட்டுத் தொட்டியில் பச்சை மிளகாய் வளர்க்க 6 ஈஸி டிப்ஸ்!

Image Credit : theendlessmovie Instagram Page

5. தி எண்ட்லெஸ் (The Endless)

சிறுவயதில் ஒரு மர்மமான குழுவிடமிருந்து தப்பித்து வந்த இரண்டு சகோதரர்களுக்கு, பல வருடங்களுக்குப் பிறகு அந்தக் குழுவிடமிருந்து ஒரு வீடியோ டேப் வருகிறது. அதைத் தொடர்ந்து அவர்கள் மீண்டும் அங்கு செல்லும்போது, அங்கே நடக்கும் சில விஷயங்களுக்கு சாதாரணமான விளக்கம் எதுவுமே இல்லை. UFO, cult, time loop என பல மர்மங்களை ஒன்றாகக் கலந்து வித்தியாசமான அனுபவத்தைத் தரும் படம் இது.

இந்த 5 படங்களிலும் ஒரு பொதுவான விஷயம்!

இந்தப் படங்களில் பெரும்பாலானவை வழக்கமான “ஹீரோ வில்லனைத் தேடுகிறார்” என்ற பார்முலாவில் உருவானவை அல்ல. ஒவ்வொன்றும் பார்வையாளர்களிடமே கேள்விகளை எழுப்பி, கிடைக்கும் சிறு சிறு தகவல்களை வைத்து மர்மத்தை நாமே புரிந்துகொள்ள வைக்கின்றன.

அதனால் ட்விஸ்ட் தெரிந்துவிடாமல் பார்க்க விரும்பினால், இந்தப் படங்களின் கதையை கூகுளில் தேடாமல் நேரடியாகப் பார்ப்பதுதான் சிறந்த அனுபவம்!

இதையும் படிங்க : Chicken : சிக்கன் சாப்பிட்டால் உண்மையிலேயே உடல் சூடு அதிகமாகுமா? தெரிஞ்சுக்கோங்க!