Awards: அப்பாடி.! வரிசைகட்டும் 18 அரசு விருதுகள்! ஒட்டுமொத்த கோலிவுட்டையும் திரும்பி பார்க்க வைத்த ஹீரோ.! யார் தெரியுமா?

Awards: நடிகர் சூர்யாவின் 'சூரரைப் போற்று', 'ஜெய் பீம்', '24' ஆகிய மூன்று படங்கள் இணைந்து 18 தமிழக அரசு திரைப்பட விருதுகளை வென்று சாதனை படைத்துள்ளன. இந்த அங்கீகாரம், வசூல் ரீதியான விமர்சனங்களுக்கு மத்தியில் சூர்யாவின் அர்ப்பணிப்பை நிரூபித்துள்ளது. 

Image Credit : Asianet News

இதுதான் உண்மையான சாதனை

தமிழ் திரையுலகில் வெற்றிகளும் தோல்விகளும் ஒரு நடிகருக்குப் புதிதல்ல. ஆனால், தோல்விகளைக் கடந்து தனது உழைப்பிற்கும் தரத்திற்கும் ஒரு நடிகர் தேசிய அளவிலும் மாநில அளவிலும் அங்கீகாரம் பெறுவதுதான் உண்மையான சாதனை. அந்த வகையில், தற்போது அறிவிக்கப்பட்டுள்ள தமிழக அரசு திரைப்பட விருதுகளில் நடிகர் சூர்யா ஒட்டுமொத்த கோலிவுட்டையும் தன் பக்கம் திரும்பிப் பார்க்க வைத்திருக்கிறார்.

Image Credit : our own

விருது வேட்டையில் சூர்யாவின் 'ஹாட்ரிக்' மிரட்டல்!

2016 முதல் 2022-ஆம் ஆண்டு வரையிலான காலக்கட்டத்தில் வெளியான சிறந்த படங்களுக்கான விருதுகளைத் தமிழக அரசு அறிவித்துள்ளது. இதில் வேறெந்த நடிகரின் படங்களுக்கும் கிடைக்காத ஒரு பிரம்மாண்ட அங்கீகாரம் சூர்யாவின் படங்களுக்குக் கிடைத்துள்ளது. சூர்யா நடிப்பில் வெளியான வெறும் மூன்று படங்கள் மட்டுமே இணைந்து மொத்தம் 18 விருதுகளை வாரிக் குவித்துள்ளன.

விருதுகளின் பட்டியல் இதோ

சூரரைப் போற்று

அதிகாரப்பூர்வமாக 7 விருதுகளை வென்று முதலிடத்தில் உள்ளது.

ஜெய் பீம்

சமூக மாற்றத்தைப் பேசிய இந்தப் படம் 7 விருதுகளை வென்றுள்ளது.

24 (Twenty Four)

சயின்ஸ் பிக்சன் முயற்சியான இந்தப் படத்திற்கு 4 விருதுகள் கிடைத்துள்ளன.

Image Credit : our own

விமர்சனங்களுக்குப் பதிலடி கொடுத்த அங்கீகாரம்

சமீபகாலமாக சூர்யாவின் படங்கள் வசூல் ரீதியாகப் பெரிய நிலையை எட்டவில்லை என்று சமூக வலைதளங்களில் விமர்சனங்கள் எழுந்தன. குறிப்பாக 'கங்குவா' திரைப்படத்திற்குப் பிறகு சூர்யாவிற்கு ஒரு மிகப்பெரிய 'பிளாக்பஸ்டர்' தேவை என்ற சூழல் நிலவியது. ஆனால், தற்போது கிடைத்துள்ள இந்த 18 விருதுகள், வசூலைத் தாண்டி சூர்யா தேர்ந்தெடுக்கும் கதைகளின் தரத்தையும், அவரது அர்ப்பணிப்பையும் பறைசாற்றும் விதமாக அமைந்துள்ளது. "தரம் என்றும் தோற்பதில்லை" என்பதை இந்த விருதுப் பட்டியல் நிரூபித்துள்ளது.

Image Credit : our own

அடுத்தடுத்த சந்தோஷ அதிரடிகள் காத்திருக்கு மக்களே!

இந்த உற்சாகமான செய்தியோடு, சூர்யாவின் அடுத்தடுத்த படங்களும் ரசிகர்களிடையே பெரும் எதிர்பார்ப்பை ஏற்படுத்தியுள்ளன. ஆர்.ஜே. பாலாஜி இயக்கத்தில் கிராமத்து பின்னணியில் உருவாகும் 'கருப்பு', வெங்கி அட்லூரி இயக்கத்தில் உருவாகியுள்ள 'சூர்யா 46' மற்றும் ஜீத்து மாதவன் இயக்கும் படம் என சூர்யாவின் வரிசை மிகவும் பலமாக உள்ளது.விருதுகளைக் குவித்த கையோடு, மீண்டும் வசூல் ரீதியாகவும் பாக்ஸ் ஆபீஸை சூர்யா அதிரவைப்பார் என்பதே கோலிவுட் வட்டாரத்தின் தற்போதைய பேச்சாக உள்ளது.