Top 5 : நீங்களும் ஆகலாம் தொழில் முனைவோர்! பெண்களுக்கான குறைந்த முதலீட்டு தொழில்கள்!

16

Image Credit : From Govt Site

தன்னம்பிக்கை தரும் தொழில்கள்

இன்றைய காலக்கட்டத்தில் பெண்கள் கல்வியிலும், வேலைவாய்ப்பிலும் முன்னேறிக்கொண்டிருக்கும் நிலையில், தங்களது நேரத்தையும் திறமையையும் பயனுள்ளதாக மாற்ற சிறு தொழில்கள் ஒரு சிறந்த தேர்வாக இருக்கின்றன. குடும்பப் பொறுப்புகள் மற்றும் நேரம் கட்டுப்பாடுகளுடன் கூட, வீட்டிலிருந்தே தொடங்கக்கூடிய பல தொழில் வாய்ப்புகள் இன்றுவரை பல பெண்களின் வாழ்க்கையை மாற்றியிருக்கின்றன. அதிக முதலீடு இல்லாமல், குறைந்த முதலீட்டில் தொடங்கக்கூடிய தொழில்கள் மட்டுமல்லாது, சுயதொழில் மூலமாக நிதி சுதந்திரத்தையும், சமூக கவுரவத்தையும் பெற்று வருகின்றனர். இந்த கட்டுரையில், உங்கள் திறமை, ஆர்வம், வசதிக்கேற்ப தேர்ந்தெடுக்கக்கூடிய மிகச்சிறந்த 5 சிறு தொழில் வாய்ப்புகள் பற்றி விரிவாக பார்ப்போம். ஒவ்வொன்றும் தனித்தன்மை வாய்ந்ததாக இருக்கிறது, மேலும் அவை ஆரம்ப முதலீடு, சந்தை தேவை, லாபவாய்ப்பு என அனைத்து பக்கங்களிலும் பரிசீலித்து தேர்ந்தெடுக்கப்பட்டவை.

26

Image Credit : our own

ஹேர்பல் பியூட்டி மற்றும் ஹோம் மேட் ஸ்கின் கெயர் தயாரிப்பு

இப்போது அதிக பெண்கள் ரசாயனமற்ற இயற்கை அழகு தயாரிப்புகளை விரும்புகிறார்கள். இதைப் பயன் கொண்டு, வீட்டிலேயே அலோவேரா ஜெல், ஹேர்பால் ஷாம்பு, ஃபேஸ் பாக், ஹேர் ஆயில் போன்றவை தயாரிக்கலாம். ஆரம்ப முதலீடு சுமார் ₹10,000–₹20,000 வரை இருக்கும். சிறிய அளவில் குடும்பம் மற்றும் நண்பர்களிடம் அறிமுகப்படுத்தி, நம்பிக்கை பெற்ற பிறகு வாட்ஸ்அப், இன்ஸ்டாகிராம், லோக்கல் எக்ஸிபிஷன் மூலம் விற்பனை விரிவாக்கலாம். கடையில் வைக்கவும் ஒப்பந்தம் செய்யலாம். இதன் லாப விகிதம் மிகவும் நல்லது, தொடர்ச்சியான வாடிக்கையாளர் கிடைக்கும் வாய்ப்பு உள்ளது.

36

Image Credit : Asianet News

நெய்த மற்றும் எம்பிராய்டரி யூனிட்

தையல் மற்றும் எம்பிராய்டரி கலை தெரிந்த பெண்களுக்கு இது நல்ல வாய்ப்பு. வீட்டில் தையல் இயந்திரம் வைத்து பிளவுஸ், சால்வார், குழந்தைகள் உடைகள், படுக்கை கவர்கள் போன்றவற்றை நெய்யலாம். ஆடைகள் திருத்தமும் செய்துகொடுத்து கூடுதல் வருமானம் பெறலாம். தையலுக்கு சுமார் ₹15,000–₹30,000 முதலீடு போதுமானது. சிறிய குழு அமைத்து மற்ற பெண்களுக்கும் வேலை வாய்ப்பு ஏற்படுத்தலாம். நல்ல கலைதிறன் இருந்தால், சுதந்திரமாக பிராண்டிங் செய்து தங்களை முன்னெடுக்கலாம்.

46

Image Credit : Facebook Page Minister P Rajeev

ஹோம் மேட் கேக் மற்றும் ஸ்நாக்ஸ் விற்பனை

 இனிப்பு, சிற்றுண்டி தயாரிப்பில் ஆர்வமுள்ள பெண்களுக்கு மிகச் சிறந்த வாய்ப்பு. கேக், லட்டூ, பக்கோடா, mixture, முருக்கு போன்றவை வீட்டிலேயே சுத்தமாக செய்து ஆர்டர் பெற்றுக் கொள்ளலாம். ஆரம்ப முதலீடு ₹5,000–₹15,000 மட்டுமே தேவைப்படும். பிறகு தேவை அதிகரித்தால் சிறிய ஆட்டோமேட்டிக் இயந்திரம் வாங்கலாம். பிறந்தநாள், திருமணம் போன்ற நிகழ்ச்சிகளுக்கு கேட்டரிங் மூலம் வருமானம் அதிகரிக்க முடியும். நல்ல சுவை இருந்தால் வாரம் தோறும் ஆர்டர் வரும்.

56

Image Credit : Pinterest

புடவை மற்றும் ஆபரணம் ரீ-சேலிங்

மிகப் பொதுவாக விரைவில் ஆரம்பிக்க முடியும் தொழில். ஆன்‌லைன் தளங்கள் மற்றும் திருப்பூரு, ஈரோடு போன்ற இடங்களில் இருந்து புடவை, imitation jewellery வாங்கி வீட்டிலிருந்தே வாட்ஸ்அப், ஃபேஸ்புக் மற்றும் இன்ஸ்டாகிராமில் விற்பனை செய்யலாம். ஆரம்ப முதலீடு ₹10,000–₹25,000 மட்டுமே. எந்த ஸ்டாக் தேவை என்பதையும், வாடிக்கையாளர்களின் விருப்பத்தையும் பார்த்து பொருட்கள் வாங்கலாம். ரீ-சேலிங் மூலம் பெரிய கடை எடுக்க வேண்டாம், டெலிவரி மட்டுமே செய்யலாம்.

66

Image Credit : Pinterest

பேப்பர் பாக் மற்றும் பேக்கிங் கவர் தயாரிப்பு

பிளாஸ்டிக் தடையைப் பின்பற்றி இப்போது பேப்பர் பாக், கவர்களுக்கு மிக அதிக தேவை உருவாகியுள்ளது. வீட்டில் சிறிய அளவில் கை தொழில் அல்லது குறைந்ததிறன் இயந்திரம் வைத்து தயாரிக்கலாம். துவக்க முதலீடு ₹20,000–₹50,000 வரை இருக்கும். ரிட்டெயில் கடைகள், மருத்துவ கடைகள், துணிக்கடை, ஸ்நாக்ஸ் கடைகளுக்கு சப்ளை செய்யலாம். முதலிலேயே பெரிய அளவில் ஆரம்பிக்க வேண்டாம், வாடிக்கையாளர்களை உருவாக்கி மெதுவாக தொழிலை விரிவாக்கலாம்.