Vegetables Price: எகிறும் விலை! போட்டி போட்டுக்கொண்டு உயரும் தக்காளி, வெங்காய விலை.. காய்கறிகள் ரேட் என்ன?

Tomato And Onion Price: உணவே மருந்து என்ற பழமொழிக்கு ஏற்ப காய்கறிகளில் கால்சியம், இரும்பு, வைட்டமின்கள் உள்ளிட்ட பல்வேறு ஊட்டச்சத்துக்கள் நிறைந்துள்ளன. இந்நிலையில் தக்காளி, வெங்காயம் மற்றும் காய்கறிகளின் விலை என்னவென்று பார்ப்போம்.

Image Credit : Asianet News

காய்கறிகளில் நிறைந்து இருக்கும் சத்துக்கள்

காய்கறிகள் என்பது ஒரு மனிதனுக்கு இன்றியமையாத ஒன்றாக இருந்து வருகிறது. உணவே மருந்து என்ற பழமொழிக்கு ஏற்ப காய்கறிகளில் கால்சியம், இரும்பு, வைட்டமின்கள் உள்ளிட்ட பல்வேறு ஊட்டச்சத்துக்கள் நிறைந்துள்ளன. குறிப்பாக சாம்பார், குழம்பு, சட்னி, பொரியல், கூட்டு மற்றும் பல உணவு வகைகளில் தக்காளி முக்கிய பங்கு உள்ளது.

Image Credit : Google

தக்காளி வெங்காயம் பை நிறைய வாங்கி செல்லும் இல்லத்தரசிகள்

அதேபோல் வெங்காயமும் குழம்பு, கறி குழம்பு, பொரியல், பிரியாணி, போன்றவற்றில் வெங்காயம் இல்லாமல் சமையலை நினைத்துப் பார்க்க முடியாது. இது உணவுக்கு இனிப்பு மற்றும் மணத்தை சேர்ப்பது மட்டுமல்லாமல் ஆன்டிஆக்சிடன்ட் மற்றும் ஆன்டிபாக்டீரியல் பண்புகளை வழங்குகிறது. இதனால் காய்கறிகளை கம்மியாக வாங்கி சென்றாலும் தக்காளி மற்றும் வெங்காயத்தை இல்லத்தரசிகள் பை நிறைய வாங்கி செல்கின்றனர்.

Image Credit : Google

போட்டி போடும் தக்காளி, வெங்காயம்

இந்நிலையில் கடந்த சில நாட்களாக தக்காளி பெட்டி பெட்டியாக தமிழகம் முழுவதும் உள்ள காய்கறி சந்தையில் குவிந்து வருகிறது. அதேபோல் வெங்காயத்தின் வரத்தும் லாரி லாரியாக மூட்டையில் வந்த வண்ணம் உள்ளது. அப்படி இருந்தாலும் தக்காளி மற்றும் வெங்காயம் போட்டி போட்டுக்கு கொண்டு விலை உயர்ந்து வருகிறது. மேலும் பச்சை காய்கறிகளின் விலையும் அதிகரித்து காணப்படுகிறது.

Image Credit : stockPhoto

இன்றைய காய்கறிகளின் விலை நிலவரம்?

இந்நிலையில் சென்னை கோயம்பேடு காய்கறி சந்தையில் இன்று ஜூன் 23ம் தேதி காய்கறிகள் மற்றும் வெங்காயம் தக்காளி விலையை பார்க்கலாம். பெரிய வெங்காயம் ஒரு கிலோ 30 முதல் 38 ரூபாய்க்கும், சின்ன வெங்காயம் ஒரு கிலோ 62 முதல் 78 ரூபாய்க்கும், தக்காளி ஒரு கிலோ 43 முதல் 54 ரூபாய்க்கும், பச்சை மிளகாய் 68 முதல் 86 ரூபாய்க்கும், பீட்ரூட் ஒரு கிலோ 44 முதல் 56 ரூபாய்க்கும், உருளைக்கிழங்கு ஒரு கிலோ 35 முதல் 44 ரூபாய்க்கும், குடைமிளகாய் ஒரு கிலோ 58 முதல் 72 ரூபாய்க்கும், பாகற்காய் ஒரு கிலோ 66 ரூபாய்க்கும், சுரைக்காய் ஒரு கிலோ 48 முதல் 60 ரூபாய்க்கும் விற்பனையாகிறது.

Image Credit : stockPhoto

முருங்கைக்காய் முதல் கேரட் விலை நிலவரம்?

பட்டர் பீன்ஸ் ஒரு கிலோ 50 முதல் 63 ரூபாய்க்கும், அவரைக்காய் ஒரு கிலோ 60 முதல் 75 ரூபாய்க்கும், முட்டைக்கோஸ் ஒரு கிலோ 42 முதல் 53 ரூபாய்க்கும், கேரட் ஒரு கிலோ 76 முதல் 95 ரூபாய்க்கும், காலிபிளவர் 43 முதல் 54 ரூபாய்க்கும், வெள்ளரிக்காய் ஒரு கிலோ 34 முதல் 42 ரூபாய்க்கும், முருங்கைக்காய் ஒரு கிலோ 96 முதல் 120 ரூபாய்க்கும், கத்திரிக்காய் ஒரு கிலோ 44 முதல் 56 ரூபாய்க்கும் விற்பனை செய்யப்படுகிறது.

Image Credit : Google

பீன்ஸ் முதல் கோவைக்காய் வரை

பீன்ஸ் ஒரு கிலோ 92 முதல் 116 ரூபாய்க்கும், இஞ்சி ஒரு கிலோ 97 முதல் 122 ரூபாய்க்கும், வெண்டைக்காய் ஒரு கிலோ 44 முதல் 56 ரூபாய்க்கும், மாங்காய் 19 முதல் 24 ரூபாய்க்கும், பூசணி ஒரு 35 ரூபாய்க்கும், முள்ளங்கி ஒரு கிலோ 48 முதல் 60 ரூபாய்க்கும், பீர்க்கங்காய் ஒரு கிலோ 44 முதல் 56 ரூபாய்க்கும், புடலங்காய் ஒரு கிலோ 46 முதல் 57 ரூபாய்க்கும், கோவைக்காய் 47 முதல் 59 ரூபாய்க்கும் விற்பனை செய்யப்படுகிறது.