இந்த சாதாரண பொருள் மாதம் ரூ.1 லட்சம் சம்பாதிக்க வைக்கும்! இந்த பிசினஸ் தெரியாம போச்சே
இந்த பொருட்களை தயாரித்தால் குறைந்த போட்டி மற்றும் அதிக தேவையால் புதிய தொழில்முனைவோருக்கு சிறந்த வாய்ப்பாக உள்ளது. குறைந்த முதலீட்டில் தொடங்கி, உள்ளூர் சந்தைகள் முதல் ஆன்லைன் வரை விற்பனையை விரிவுபடுத்தி நல்ல லாபம் ஈட்ட முடியும்.
குறைந்த முதலீட்டு தொழில்
இன்றைய இளைஞர்களில் பலர் வேலைக்கு மட்டும் சார்ந்து இருக்காமல், தங்களுக்கே உரிய ஒரு தொழிலை உருவாக்க வேண்டும் என்ற எண்ணத்தில் உள்ளனர். ஆனாலும் “போட்டி அதிகம்”, “முதலீடு பெரியது” என்ற பயம் பலரை பின்னுக்கு தள்ளுகிறது. உண்மையில், எல்லா துறைகளிலும் கடும் போட்டி இருக்காது. சில அத்தியாவசிய பொருட்கள் தொடர்பான உற்பத்தித் துறைகளில் இன்னும் நல்ல வாய்ப்புகள் உள்ளன. அவற்றில் ஒன்று டெய்லெட் பிரஷ் தயாரிப்பு. இது சாதாரண பொருள் போல தோன்றினாலும், தினசரி வாழ்க்கையில் தவிர்க்க முடியாத ஒன்று.
வீட்டிலிருந்து தொடங்கும் தொழில்
வீடுகள், ஹோட்டல்கள், மருத்துவமனைகள், அலுவலகங்கள், தங்கும் விடுதிகள் என சுத்தம் அவசியமான எல்லா இடங்களிலும் டாய்லெட் பிரஷ் தேவை. இந்தப் பொருளின் பயன்பாடு தொடர்ச்சியாக இருப்பதால் தேவை குறைய வாய்ப்பே இல்லை. ஆனால் இந்தப் பொருளை நேரடியாக உற்பத்தி செய்பவர்கள் குறைவாகவும், விற்பனையாளர்கள் அதிகமாகவும் இருப்பது ஒரு முக்கிய வாய்ப்பு. அதனால் உற்பத்தி துறையில் நுழையும் நபர்களுக்கு சந்தையில் இடம் பிடிப்பது சாத்தியம்.
டாய்லெட் பிரஷ் தயாரிப்பு தொழில்
இந்தத் தொழிலைத் தொடங்க மிகப்பெரிய முதலீடு தேவையில்லை. ஆரம்ப நிலைக்கு செமி ஆட்டோமேட்டிக் இயந்திரம் போதுமானது. அதற்கான முதலீடு நடுத்தர அளவில் இருக்கும். மூலப்பொருட்கள் அதிக விலை அல்ல; பல இயந்திர வழங்குநர்களே பொருட்களையும் பயிற்சியையும் வழங்குகிறார்கள். சிறிய இடம், குறைந்த தொழிலாளர்கள் இருந்தாலே உற்பத்தி தொடங்கலாம். ஒரு பொருளின் தயாரிப்பு செலவு குறைவாகவும், விற்பனை விலை அதைவிட உயரமாகவும் இருப்பதால் லாப விகிதம் நல்லதாக இருக்கும்.
சிறந்த பிசினஸ் ஐடியா
முதலில் அருகிலுள்ள ஹார்டுவேர் கடைகள், மொத்த விற்பனையாளர்கள், சுத்தம் செய்யும் பொருள் டீலர்களுக்கு விநியோகம் செய்யலாம். பின்னர் ஆன்லைன் விற்பனை, ஹோட்டல்கள் மற்றும் குடியிருப்பு சங்கங்களுடன் ஒப்பந்தங்கள் போன்ற வழிகளில் விரிவுபடுத்தலாம். வடிவமைப்பு, நிறம், பேக்கிங் ஆகியவற்றில் தனித்தன்மை கொண்டால் தனி பிராண்டாக வளர வாய்ப்பு உண்டு. இருப்பினும் முதலீட்டுக்கு முன் சந்தை நிலை, தேவை, அனுபவம் கொண்டவர்களின் ஆலோசனை ஆகியவற்றை சரிபார்ப்பது பாதுகாப்பான நடைமுறை ஆகும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
