பேங்க் வட்டியை விட இதுதான் பெஸ்ட்! மாசம் மாசம் சம்பளம் மாதிரி பணம் தரும் போஸ்ட் ஆபீஸ் திட்டம்!

தபால் நிலையத்தின் மாதாந்திர வருமானத் திட்டம் (MIS) ஒருமுறை முதலீட்டில் ஒவ்வொரு மாதமும் நிலையான வருமானத்தை வழங்குகிறது. 7.4% வட்டி விகிதத்துடன், தனிநபர் கணக்கில் ₹9 லட்சம் முதலீடு செய்வதன் மூலம் மாதம் ₹5,550 வரை வட்டி வருமானம் பெறலாம்.

Image Credit : Asianet News

போஸ்ட் ஆபிஸ் திட்டம்

தபால் நிலையத்தின் இந்த MIS திட்டத்தில் ஒருமுறை பணத்தை முதலீடு செய்வதன் மூலம், ஒவ்வொரு மாதமும் வட்டித் தொகையை மட்டும் வருமானமாகப் பெறலாம். மத்திய அரசு வழங்கும் இந்தத் திட்டத்தில் உங்கள் முதலீட்டிற்கு 100% பாதுகாப்பு உண்டு.

Image Credit : India post

திட்டத்தின் சிறப்பம்சங்கள்

• வட்டி விகிதம்: தற்போது இந்தத் திட்டத்திற்கு ஆண்டுக்கு 7.40% வட்டி வழங்கப்படுகிறது.

• முதலீட்டு வரம்பு: தனிநபர் கணக்கில் அதிகபட்சமாக ₹9 லட்சம் வரை முதலீடு செய்யலாம். கூட்டுக் கணக்கு தொடங்கினால் அதிகபட்சமாக ₹15 லட்சம் வரை முதலீடு செய்யலாம் (3 நபர்கள் வரை சேரலாம்).

• முதிர்வு காலம்: 5 ஆண்டுகள்.

• தகுதி: 18 வயது பூர்த்தியடைந்த எவரும் இதில் கணக்கு தொடங்கலாம்.

Image Credit : Google

மாதம் ₹5,500 வருமானம் பெறுவது எப்படி?

இந்தத் திட்டத்தில் ₹5,500 மாதாந்திர வருமானம் பெற நீங்கள் அதிகபட்ச முதலீட்டுத் தொகையைச் செலுத்த வேண்டும். அதன் கணக்கீடு இதோ:

நீங்கள் ஒரு தனிநபர் கணக்கைத் தொடங்கி அதில் ₹9 லட்சம் முதலீடு செய்தால், 7.4% வட்டி விகிதத்தின்படி உங்களுக்கு மாதம் ₹5,550 வட்டியாகக் கிடைக்கும்.

இதுவே கூட்டுக் கணக்கில் ₹15 லட்சம் முதலீடு செய்தால், மாதம் ₹9,250 வரை வருமானம் பெற முடியும்.

Image Credit : Google

முன்கூட்டியே கணக்கை முடித்தால்...

இந்தத் திட்டத்தில் 5 ஆண்டுகளுக்கு முன்னரே பணத்தை எடுக்க நினைத்தால் சில அபராதக் கட்டணங்கள் வசூலிக்கப்படும்.

• 1 - 3 ஆண்டுகளுக்குள்: உங்கள் அசல் தொகையில் 2% கழிக்கப்படும்.

• 3 - 5 ஆண்டுகளுக்குள்: உங்கள் அசல் தொகையில் 1% கழிக்கப்படும்.

• கணக்கு தொடங்கி 1 ஆண்டு முடிவதற்குள் பணத்தை எடுக்க முடியாது.

Image Credit : our own

விண்ணப்பிப்பது எப்படி?

உங்களுக்கு அருகிலுள்ள தபால் நிலையத்திற்குச் சென்று, விண்ணப்பப் படிவம் மற்றும் KYC ஆவணங்களை (ஆதார், பான் கார்டு, புகைப்படம்) சமர்ப்பித்து வெறும் ₹1,000 முதலீட்டில் இந்தக் கணக்கைத் தொடங்கலாம்.