Petrol Bunk: ரூ.100, ரூ.200-க்கு பெட்ரோல் போட்டால் நஷ்டமா? பங்க்கில் என்ன நடக்கிறது? இதை படிங்க!

Petrol Bunk: ரூ.100, ரூ.200-க்கு பெட்ரோல் போட்டால் நமக்கு தான் நஷ்டம் என பலரும் கூற கேட்டு இருப்போம். உண்மையிலேயே இது நஷ்டமா? என்பது குறித்து இந்த செய்தியில் பார்க்கலாம்.

Image Credit : Getty

ரூ.100, ரூ.200-க்கு பெட்ரோல் போட்டால் நஷ்டமா?

பெட்ரோல் பங்க் சென்றால் '100, 200 ரூபாய்க்கு பெட்ரோல் போடாதீங்க, அப்படி ரவுண்டா போட்டா பெட்ரோல் கம்மியா வரும்' என்ற அறிவுரையை நாம் அடிக்கடி கேட்டிருப்போம். சமூக வலைதளங்கள் முதல் நண்பர்கள் அரட்டை வரை இந்த விஷயம் பரவலாகப் பேசப்படுகிறது. அப்படியானால், ரவுண்ட் ஃபிகர் தொகைக்கு பெட்ரோல் போடுவது உண்மையிலேயே நஷ்டம்தானா அல்லது இது வெறும் கட்டுக்கதையா? நீங்களும் ஒவ்வொரு முறையும் பெட்ரோல் பங்க்கில் இந்தக் குழப்பத்தைச் சந்தித்தால், இதற்கான முழு உண்மையையும் இந்த செய்தியில் பார்க்கலாம்.

Image Credit : X

ரவுண்ட் ஃபிகரில் பெட்ரோல் போட்டால் குறைவாக கிடைக்குமா?

பெட்ரோலியத் துறை நிபுணர்களின் கருத்துப்படி, 100, 200, 500 அல்லது வேறு எந்த ரவுண்ட் ஃபிகர் தொகைக்கு பெட்ரோல் போடுவதால் மட்டும் எரிபொருள் குறைவாகக் கிடைக்காது. இன்றைய பெரும்பாலான பெட்ரோல் பங்க்குகளில் எலக்ட்ரானிக் ஃபியூயல் டிஸ்பென்சர் இயந்திரங்கள் உள்ளன. இவை, நாம் குறிப்பிடும் விலைக்கு ஏற்ப தானாகவே எரிபொருளின் அளவை நிரப்பும். அதாவது, இயந்திரம் சரியாக 'கேலிப்ரேட்' செய்யப்பட்டு, அதில் எந்த கோளாறும் இல்லை என்றால், 100 ரூபாய்க்கு பெட்ரோல் போட்டாலும் சரி, 137 ரூபாய்க்கு போட்டாலும் சரி, இயந்திரம் காட்டும் அதே அளவு எரிபொருள் வாடிக்கையாளருக்குக் கிடைக்கும்.

Image Credit : Getty

ரவுண்ட் ஃபிகர் பெட்ரோல் மீது மக்களுக்கு ஏன் சந்தேகம் வருகிறது?

உண்மையில், சில பெட்ரோல் பங்க்குகளில் மோசடிகள் நடப்பதாக செய்திகள் வந்துள்ளன. சில ஊழியர்கள் மீட்டரை சீக்கிரம் ஆன் செய்வது, வாடிக்கையாளரின் கவனத்தை திசை திருப்புவது போன்ற தவறான செயல்களில் ஈடுபடுவதாக குற்றச்சாட்டுகள் எழுந்துள்ளன. இதனால்தான், ரவுண்ட் ஃபிகர் தொகைகளில் அதிக தில்லுமுல்லு நடப்பதாக மக்கள் மத்தியில் ஒரு கருத்து உருவாகியுள்ளது. ஆனால், இதற்கும் 100 அல்லது 200 ரூபாய் தொகைக்கும் நேரடித் தொடர்பு இல்லை. ஒருவேளை மோசடி நடந்தால், அது எந்தத் தொகையிலும் நடக்க வாய்ப்புள்ளது.

Image Credit : Asianet News

பெட்ரோல் போடும்போது இந்த விஷயங்களைக் கவனத்தில் கொள்ளுங்கள்

பெட்ரோல் போடுவதற்கு முன் மீட்டரில் "0.00" என்று இருப்பதை உறுதி செய்யுங்கள். எரிபொருள் நிரப்பப்படும்போது, டிஸ்ப்ளேவை தொடர்ந்து கவனியுங்கள். சந்தேகம் ஏற்பட்டால், பெட்ரோல் பங்க்கில் உள்ள 5 லிட்டர் அளவு சோதனையை (5 litre measure test) செய்து காட்டும்படி கேட்கலாம்.

எப்போதும் ரசீது வாங்குங்கள். இது பணம் செலுத்தியதற்கான ஆதாரம். அவசரத்தில் மொபைல் பார்ப்பது அல்லது வேறு பக்கம் கவனத்தைச் சிதறவிடுவதைத் தவிர்க்கவும்.

மீட்டர் மீது கண் வையுங்கள்

சுருக்கமாகச் சொன்னால், ரவுண்ட் ஃபிகரில் பெட்ரோல் போடுவதால் எந்த நஷ்டமும் ஏற்படாது. 100, 200 அல்லது 500 ரூபாய்க்கு பெட்ரோல் போடுவது முற்றிலும் பாதுகாப்பானதுதான். ஆனால், பெட்ரோல் பங்க் இயந்திரங்கள் சரியாக இருக்க வேண்டும், வாடிக்கையாளர்களாகிய நாமும் கவனமாக இருக்க வேண்டும். எனவே, அடுத்த முறை பெட்ரோல் பங்க் செல்லும்போது வதந்திகளை நம்பாமல், உண்மைகளை நம்பி மீட்டர் மீது ஒரு கண் வையுங்கள். இதுதான் உங்கள் பணத்தையும் நம்பிக்கையையும் பாதுகாக்க எளிய வழி ஆகும்.