No Loan for Car or House : வங்கி லோன் இல்லாமல் வீடு, கார் வாங்கலாம்.. எப்படி தெரியுமா?
No Loan for Car or House : கார் அல்லது வீடு வாங்க வேண்டும் என்றால் லோன் அவசியம் என்ற எண்ணம் பலரிடமும் உள்ளது. கடன் சுமையின்றி சொத்து உருவாக்கும் வாய்ப்பு இருக்கிறது.
லோன் இல்லா வீடு
கார் அல்லது வீடு வாங்க வேண்டும் என்ற ஆசை பலருக்கும் இருக்கும். ஆனால் அந்த கனவுடன் சேர்ந்து வரும் முதல் கேள்வி பெரும்பாலும் லோன் பற்றிதான். இஎம்ஐ கட்டும் வாழ்க்கை பலருக்கு நிதி அழுத்தமாக மாறும் நிலையில், “லோன் இல்லாமல் வாங்க முடியாதா?” என்ற கேள்வி இன்று அதிகம் கேட்கப்படுகிறது. நிதி நிபுணர்கள் சொல்வது என்னவென்றால், சரியான திட்டமிடலுடன் அது சாத்தியமே.
முதலீட்டு திட்டம்
மியூச்சுவல் ஃபண்ட் எஸ்ஐபி முதலீடு இந்த பாதையில் முக்கிய கருவியாக பார்க்கப்படுகிறது. மாதந்தோறும் ஒரு நிரந்தர தொகையை முதலீடு செய்வதன் மூலம், நீண்ட பெரிய நிதி உருவாக்கலாம். இந்த சேமிப்பு பின்னர் கார் அல்லது வீடு வாங்கும் நிதியாக மாறலாம். இதன் பலன், கடன் சுமை மற்றும் நீண்டகால இஎம்ஐ பொறுப்பிலிருந்து விலகுவது.
எஸ்ஐபி முதலீடு
உதாரணமாக, மாதம் ரூ.20,000 எஸ்ஐபி முதலீடு செய்து, சராசரியாக 12 சதவீத வருமானம் கிடைத்தால், 10 ஆண்டுகளில் சுமார் ரூ.45 லட்சம் வரை நிதி உருவாகலாம். இதில் முதலீட்டு தொகையும் சந்தை வளர்ச்சியால் கிடைக்கும் வருமானமும் அடங்கும். இந்த தொகை ஒரு தரமான கார் வாங்குவதற்கு போதுமானதாக இருக்கலாம்.
வீடு வாங்கும் இலக்கு வைத்திருப்பவர்கள்
வீடு வாங்கும் இலக்கு வைத்திருப்பவர்கள் இன்னும் நீண்டகால பார்வையுடன் திட்டமிட வேண்டும். மாதம் ரூ.30,000 எஸ்ஐபி செய்து 10 ஆண்டுகள் தொடர்ந்தால், சுமார் ரூ.67 லட்சம் வரை நிதி உருவாக வாய்ப்பு உள்ளது. இலக்கை 15 ஆண்டுகளாக நீட்டித்தால், இந்த தொகை ஒரு கோடியைத் தாண்டும் நிலைக்கும் செல்லக்கூடும். இருப்பினும், வீட்டு விலைகள் காலப்போக்கில் உயரக்கூடும் என்பதால், இலக்கும் முதலீட்டிற்கும் ஏற்ப திருத்தப்பட வேண்டும்.
மியூச்சுவல் ஃபண்ட் முதலீடுகள்
ஆனால் மியூச்சுவல் ஃபண்ட் முதலீடுகள் பங்குச்சந்தையுடன் இணைந்தவை என்பதால், குறுகியகால ஏற்றத்தாழ்வுகள் இயல்பானவை என்பதை மறக்கக்கூடாது. அதனால் புதிய முதலீட்டாளர்கள் மல்டி-அசெட் அல்லது சமநிலையான அணுகுமுறைகளை தேர்வு செய்வது பாதுகாப்பானதாகக் கருதப்படுகிறது. நிதி கனவுகள் வேகத்தில் அல்ல, ஒழுக்கமான திட்டமிடலில் தான் உருவாகின்றன என்பதையே இந்த எஸ்ஐபி பாதை நினைவூட்டுகிறது.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
