அவசரநிலையில் டிக்கெட் இல்லாமல் ரயிலில் செல்லலாமா? ரயில்வே ரூல்சை தெரிஞ்சுக்கோங்க
அவசரகாலத்தில் ரயிலில் பயணிக்க வேண்டியிருந்தால், டிக்கெட் வாங்க நேரமில்லை என்றால், டிக்கெட் இல்லாமல் ரயிலில் பயணிக்க முடியுமா என்ற கேள்வி மக்களின் மனதில் அடிக்கடி எழுகிறது. இதுதொடர்பான ரயில்வே விதிகளை காண்போம்.
ரயில்வே டிக்கெட் விதிகள்
வாழ்க்கையில் எப்போது அவசரநிலை உருவாகும் என்று சொல்ல முடியாது. மருத்துவ அவசரம், வீட்டில் திடீர் வேலை, அல்லது முக்கியமான காரணங்களுக்காக உடனடியாக பயணம் செய்ய வேண்டிய நிலை ஏற்படலாம். அப்போது ரயில் டிக்கெட் வாங்க நேரம் இல்லாமல் போகும். ஆன்லைன் டிக்கெட்டும் கிடைக்காமல் போகும் சூழலில், டிக்கெட் இல்லாமல் ரயிலில் பயணம் செய்யலாமா என்ற கேள்வி பலருக்கும் எழுகிறது.
இந்தியன் ரயில்வே
இந்த பிரச்சனையை கருத்தில் கொண்டு இந்திய ரயில்வே சிறப்பு விதியை கொண்டு வந்துள்ளது. அதன்படி, அவசரநிலை ஏற்பட்டால் பிளாட்பார்ம் டிக்கெட்டுடன் ரயிலில் ஏற அனுமதி உண்டு. ஆனால் இதை தவறாக பயன்படுத்தினால் அபராதம் விதிக்கப்படும். எனவே உண்மையான அவசர சூழலில் மட்டுமே இந்த வசதியை பயன்படுத்த வேண்டும்.
ரயில்வே அவசர பயணம்
டிக்கெட் வாங்க நேரம் இல்லை என்றால், பிளாட்பார்ம் டிக்கெட்டுடன் ரயிலில் ஏறலாம். அதற்குப் பிறகு உடனடியாக TTE-யை (Traveling Ticket Examiner) சந்தித்து சூழ்நிலையை விளக்க வேண்டும். அவர் உங்களுக்கு செல்லுபடியாகும் டிக்கெட்டை செய்து தருவார். அந்த டிக்கெட்டை உருவாக்கும் போது, முழு பயண கட்டணம் + விதிப்படியான அபராதம் TTE வசூலிப்பார்.
ஜெனரல் டிக்கெட் ரயில்
இதனால் உங்கள் பயணம் முறையாக செல்லுபடியாகும். ஆனால், நினைவில் கொள்ள வேண்டியது என்னவென்றால், இந்த வசதி உண்மையில் அவசரத்திற்காக மட்டுமே. திட்டமிட்டுப் பயன்படுத்தினால் அது விதி மீறலாகும். இப்படியொரு நிலை வந்தால், ஜெனரல் டிக்கெட் வாங்குவது மிகவும் எளிமையான மற்றும் பாதுகாப்பான வழி ஆகும்.
ரயில் டிக்கெட் அபராதம்
ஒவ்வொரு ரயிலிலும் பொதுப்பிரிவு (ஜெனரல் கோச்) இருக்கிறது. முன்பதிவு தேவையில்லாமல் அதற்கு பயணம் செய்யலாம். ஆனால் அதிக நெரிசல் காரணமாக வசதியான பயணம் கிடைக்காது. நீண்ட தூரத்திற்கு சிரமமாக இருந்தாலும், திடீர் பயணத்துக்கு ஜெனரல் டிக்கெட் தான் நம்பகமான மற்றும் செல்லுபடியாகும் தேர்வு ஆகும்.