போட்டியாளர்களை விடுங்க... நம்ம ‘பிக்பாஸ்’ எவ்வளவு சம்பளம் வாங்குறார் தெரியுமா?

தொலைக்காட்சி நிகழ்ச்சிகளில் பிக்பாஸ் நிகழ்ச்சிக்கென எப்போதுமே மக்கள் மத்தியில் ஒரு தனி மவுசு உண்டு. தமிழில் கடந்த 2017-ம் ஆண்டு தொடங்கப்பட்ட இந்நிகழ்ச்சி முதல் சீசனில் இருந்தே மக்கள் மத்தியில் அமோக வரவேற்பை பெற்று வருகிறது. இதுவரை ஐந்து சீசன்கள் முடிந்துள்ளன. தற்போது ஆறாவது சீசன் விறுவிறுப்பாக நடைபெற்று வருகிறது.

பிக்பாஸ் நிகழ்ச்சியின் 5 சீசன்களையும் கமல்ஹாசன் தான் தொகுத்து வழங்கி உள்ளார். 6வது சீசனிலும் பிக்பாஸ் உடனான அவரது பயணம் தொடர்ந்து வருகிறது. இவ்வாறு பிக்பாஸின் ஒரு அங்கமாகவே மாறிவிட்டார் கமல். பிக்பாஸ் நிகழ்ச்சி ரசிகர்கள் மத்தியில் இந்த அளவு பாப்புலர் ஆனதற்கு கமல்ஹாசன் ஒரு காரணம் என்றால், மற்றொரு காரணம் அதில் ஒலிக்கும் பிக்பாஸ் குரலும் தான்.

இதையும் படியுங்கள்... நயன் - விக்கி முதல் ரவீந்தர் - மகாலட்சுமி வரை.. இந்த வருஷம் ஜம்முனு தலை தீபாவளி கொண்டாட உள்ள நட்சத்திர ஜோடிகள்

கணீர் குரலோடு ஹவுஸ்மேட்ஸுக்கு கட்டளையிடுவதாகட்டும், சட்டென ஜாலி மூடுக்கு மாறி போட்டியாளர்களை கலாய்ப்பதாகட்டும் மற்ற மொழிகளைக் காட்டிலும் தனித்து விளங்குகிறார் தமிழ் பிக்பாஸ். சரி இந்த குரலுக்கு யார் சொந்தக்காரர் என்பது இதுவரை அதிகாரப்பூர்வமாக வெளியிடப்படாவிட்டாலும், நம் நெட்டிசன்கள் அது சாஷோ என்பவர் தான் என்பதை எப்படியோ தேடி கண்டுபிடித்து விட்டனர்.

பிக்பாஸ் நிகழ்ச்சியை தொகுத்து வழங்கும் கமலுக்கு கோடிக்கணக்கில் சம்பளம், அதில் பங்கேற்றுள்ள போட்டியாளர்களுக்கு இவ்வளவு சம்பளம் என பல்வேறு தகவல்கள் வந்தாலும், பிக்பாஸுக்கு எவ்வளவு சம்பளம் என்கிற தகவல் தற்போது தான் வெளியாகி உள்ளது. அதன்படி சாஷோவுக்கு பிக்பாஸ் நிகழ்ச்சியை தொகுத்து வழங்க இதுவரை மாதத்துக்கு தலா ரூ.5 லட்சம் வழங்கப்பட்டு வந்தது. தற்போது 6-வது சீசனுக்காக ரூ.1 லட்சம் கூடுதலாக, அதாவது மாதத்துக்கு ரூ.6 லட்சம் வாங்குகிறார்களாம்.

இதையும் படியுங்கள்... Ramya Krishnan : 50 களை கடந்தும் குறையாத அழகு...ரம்யா கிருஷ்ணனின் நியூ லுக் போட்டோஸ்