டெங்குவால் பாதிக்கப்பட்ட சல்மான்..இவருக்கு பதில் பிக்பாஸ் தொகுப்பாளர் யார் தெரியுமா?

எந்த கேள்விகளுக்கும் அஞ்சாத கரண் ஜோஹர் பிக் பாஸ் நிகழ்ச்சியை தொகுத்து வழங்க இருப்பது பெரும் எதிர்பார்ப்பை கிளப்பியுள்ளது.

டெங்கு காய்ச்சல் இந்தியாவில்  படுவேகமாக பரவி வருகிறது. இந்த காய்ச்சலுக்கு பெரும்பாலானோர் பாதிக்கப்பட்டு வருவதாக தெரிகிறது. அந்த வரிசையில் பிரபல நடிகர் சல்மான் கானுக்கு டெங்கு ஏற்பட்டிருப்பது அதிர்ச்சியை உண்டாக்கியுள்ளது. இவர் ஹிந்தியில் ஒளிபரப்பாகி வரும் பிக் பாஸ் 16 ரியாலிட்டி ஷோவை தொகுத்து வழங்கி வருகிறார்.

தென்னிந்தியாவில் மிகப் பிரபலமாக இருக்கும் பிக் பாஸ் ஷோ முதலில் ஹிந்தியில் தான் ஒளிபரப்பானது. கலர்ஸ் டிவியில் ஒளிபரப்பாகி வரும் இந்த ஷோவை சல்மான்கான் தான் தொகுத்து வழங்கி வருகிறார். முன்னதாக இவரது சம்பளம் குறித்தான பல சர்ச்சைகள் கிளம்பி இருந்தது. இதற்கான விளக்கங்களையும் சல்மான் கான் அளித்திருந்தார்.

மேலும் செய்திகளுக்கு...மாஸாக என்ட்ரி கொடுக்கும் அஜித்... உற்சாகம் அடைந்த ரசிகர்கள் !

வார இறுதி எபிசோடுகளை தொகுத்து வழங்கி வந்த இவருக்கு சமீபத்தில் டெங்கு பாதிப்பு ஏற்பட்டது. இதை அடுத்து சிகிச்சையில் உள்ளார் சல்மான்கான். இந்நிலையில்  பிக் பாஸ் நிகழ்ச்சியை தொகுத்து வழங்க இருப்பது யார்? என்கிற கேள்வி எழுந்துள்ளது. அதற்காக பல முன்னணி நடிகர்களையும் பரிந்துரை செய்து விட்டனர் நெட்டிசன்கள். 

தற்போது பிரபலங்களை பேட்டி காண்பதன் மூலம் ரசிகர்கள் மத்தியில் அறியப்பட்ட நபராக மாறிய கரண் ஜோஹர் தான் பிக் பாஸ் நிகழ்ச்சியை தொகுத்து வழங்க உள்ளார் என கூறப்படுகிறது. பிரபல நடிகர் மற்றும் இயக்குனராக பாலிவுட்டில் வலம் வரும் இவர் தென்னிந்திய சூப்பர் ஸ்டார்கள் பலரையும் பேட்டி எடுத்ததன் மூலம் அனைத்து மொழி ரசிகர்களுக்கும் அறிமுகம் ஆகிவிட்டார்.

மேலும் செய்திகளுக்கு...நடிகர் ஜெயம் ரவிக்கு கொரோனா உறுதி..! என்னுடன் தொடர்பில் இருந்தவர்கள் பரிசோதனை செய்துகொள்ளுங்கள்!

முன்னதாக இவர் நிகழ்ச்சியில், சமந்தா, அக்ஷய் குமார், விஜய் தேவரகொண்டா உள்ளிட்டோர் கலந்துகொண்டு தங்களது அந்தரங்க வாழ்க்கை குறித்து பேசி இருந்தது மிகப்பெரிய சர்ச்சையை கிளப்பியிருந்தது. எந்த கேள்விகளுக்கும் அஞ்சாத கரண் ஜோஹர் பிக் பாஸ் நிகழ்ச்சியை தொகுத்து வழங்க இருப்பது பெரும் எதிர்பார்ப்பை கிளப்பியுள்ளது. கலர்ஸ் டிவி தனது இன்ஸ்டாகிராம் பக்கத்தில்  இதற்கான ப்ரோமோவை வெளியிட்டுள்ளனர்.