பார்வதி செஞ்சது தப்புன்னா பிக் பாஸ் தடுத்து நிறுத்திருப்பார் - பாருவுக்கு வக்காலத்து வாங்கிய வியானா

பிக் பாஸ் தமிழ் சீசன் 9 நிகழ்ச்சியில் சாண்ட்ராவை டாஸ்கின் போது தள்ளிவிட்ட பார்வதிக்கு கடும் கண்டனங்கள் குவிந்து வரும் நிலையில், அவருக்கு சப்போர்ட் பண்ணி வியானா போட்டுள்ள பதிவு சர்ச்சையில் சிக்கி உள்ளது.

Image Credit : X

Viyana Support Parvathy

பிக் பாஸில் நேற்று நடைபெற்ற சம்பவம் தொடர்பாக, சான்ட்ராவுக்கு ஏற்பட்ட நிலை குறித்து தான் மிகவும் வருத்தமடைந்துள்ளதாக வியானா தெரிவித்துள்ளார். பிக்பாஸ் 9 நிகழ்ச்சியில் இடம்பெற்ற கார் டாஸ்க்கை பார்த்தபோது, சான்ட்ராவுக்காக உண்மையிலேயே மனம் கனிந்ததாக அவர் கூறியுள்ளார்.

அதே நேரத்தில், இந்த சம்பவத்தை வீட்டுக்குள் நடந்ததை விட வெளியே மிகவும் பெரிய பிரச்சினையாக சில போட்டியாளர்கள் மாற்றிக் காட்டி வருவதாகவும் அவர் குற்றம்சாட்டியுள்ளார். பிக்பாஸ் 9-இன் இரண்டாவது டாஸ்க்கிலிருந்தே போட்டியாளர்கள் தீவிரமாகவும், சில நேரங்களில் வன்முறையுடனும் விளையாடி வருவதாகவும், அதை “விளையாட்டு இப்படித்தான் இருக்க வேண்டும்” என்று நியாயப்படுத்தி வந்ததாகவும் அவர் குறிப்பிட்டுள்ளார்.

Image Credit : youtube/vijaytelevision

விளையாட்டின் ஒரு பகுதி

கார் டாஸ்க் தவறான முறையில் நடைபெற்றிருந்தால், பிக்பாஸ் உடனடியாக அதை நிறுத்தியிருப்பார் அல்லது ரீ-கேம் அறிவித்திருப்பார். ஆனால் அப்படி எதுவும் நடக்கவில்லை. மாஸ்க் டாஸ்க், தொப்பி டாஸ்க், கேப்டன்சி டாஸ்க், காயின் டாஸ்க், ஜூஸ் டாஸ்க் உள்ளிட்ட பல டாஸ்க்களிலும் இதே போட்டியாளர்கள் அதீதமாக விளையாடியதாக அவர் நினைவூட்டியுள்ளார்.

மேலும், இதே போட்டியாளர்கள் கடந்த காலங்களில் வீட்டுக்குள் கண் காயம், தலையில் காயம், கால்தசை முறிவு போன்ற கடுமையான காயங்களுக்கு காரணமாக இருந்ததாகவும், அப்போது அனைத்தும் “விளையாட்டின் ஒரு பகுதி” என சாதாரணமாக எடுத்துக்கொள்ளப்பட்டதாகவும் அவர் தெரிவித்துள்ளார். மென்மையாக விளையாடுபவர்கள் விமர்சனத்துக்கு உள்ளானதாகவும் கூறியுள்ளார்.

Image Credit : youtube/vijaytelevision

பிக் பாஸ் தடுத்திருப்பார்

சான்ட்ராவுக்கு நடந்தது குறித்து தனக்கு மிகுந்த வருத்தம் இருப்பதாக கூறிய அவர், தற்போதைய நிலையில் சில சக போட்டியாளர்களின் எதிர்வினைகள் மிகைப்படுத்தப்பட்டதாகவும், இதனை சிலர் தங்களுக்கான வெளிச்சமாகவும், புள்ளிகள் சேர்ப்பதற்குமான வாய்ப்பாகவும் பயன்படுத்துவதாகவும் விமர்சித்துள்ளார்.

இந்த டாஸ்க் உண்மையிலேயே தவறானதாக இருந்திருந்தால், பிக்பாஸ் தலையிட்டிருப்பார். அது நடக்காத நிலையில், இப்போது மட்டும் உணர்ச்சிப்பூர்வமாக பேசுவது கேள்விக்குறியாக இருப்பதாக அவர் தெரிவித்துள்ளார். இரண்டாவது டாஸ்க்கிலிருந்தே இந்த உணர்வு இருந்திருக்க வேண்டும் என்றும் அவர் கூறியுள்ளார்.

Image Credit : youtube/vijaytelevision

தப்பா இருந்தா மன்னிச்சிக்கோங்க

பொதுவாக ஒருவரை குறிவைத்து, குழுக்கள் உருவாகி, தனிப்பட்ட லாபத்திற்காக விதிகள் வளைத்துக்கொள்ளப்படுவது வழக்கமாகிவிட்டதாகவும் அவர் தெரிவித்துள்ளார். இதே செயலை வேறு ஒருவர் செய்திருந்தால், அது சாதாரணமாக எடுத்துக்கொள்ளப்பட்டிருக்கும் என்றும் அவர் கூறியுள்ளார்.

இறுதியாக, எல்லாம் யார் விளையாடுகிறார்கள் என்பதையே பொறுத்திருக்கிறது என்றும், தனது பார்வையில் இது திட்டமிட்ட குறிவைப்பாகவே தெரிகிறது என்றும் அவர் தெரிவித்துள்ளார். தன் கருத்துகளில் ஏதேனும் தவறு இருந்தால், அதற்காக மன்னிப்புக் கோருவதாகவும் அவர் கூறியுள்ளார்.