- Home
- Auto
- 11 தொகுதி வேட்பாளர் பட்டியலை வெளியிட்ட டிடிவி.தினகரன்.. மூன்று திமுக அமைச்சர் தொகுதிகளில் மோதும் அமமுக
11 தொகுதி வேட்பாளர் பட்டியலை வெளியிட்ட டிடிவி.தினகரன்.. மூன்று திமுக அமைச்சர் தொகுதிகளில் மோதும் அமமுக
அதிமுக கூட்டணியில் இடம்பெற்றுள்ள டிடிவி தினகரனின் அமமுக, 11 தொகுதிகளுக்கான வேட்பாளர் பட்டியலை வெளியிட்டுள்ளது. இதில் சைதாப்பேட்டை, மன்னார்குடி, திருச்சி மேற்கு ஆகிய தொகுதிகளில் திமுகவின் முக்கிய அமைச்சர்களை எதிர்த்து அமமுக போட்டியிடுகிறது.
அதிமுக அமமுக கூட்டணி
தமிழக சட்டமன்ற தேர்தல் ஏப்ரல் 23ம் தேதி நடைபெறுகிறது. இந்நிலையில் அரசியல் கட்சிகள் தொகுதிப் பங்கீடு, வேட்பாளர்கள் அறிவிப்பு, பிரச்சாரம் என பணிகளை தீவிரப்படுத்தியுள்ளன. ஆளும் திமுக அரசு தொகுதி பங்கீட்டை நிறைவு செய்ததை அடுத்து வேட்பாளர்கள் பட்டியலை இன்று வெளியிட உள்ளதாக கூறப்படுகிறது. இந்நிலையில் அதிமுக கூட்டணியில் இடம் பெற்றுள்ள டிடிவி.தினகரனின் அமமுகவுக்கு மன்னார்குடி, காரைக்குடி, சைதாப்பேட்டை, திருச்சி மேற்கு, நாங்குநேரி உள்ளிட்ட 11 தொகுதிகள் ஒதுக்கப்பட்டுள்ளன.
டிடிவி.தினகரன்
இந்நிலையில் சென்னை அடையாறில் உள்ள அமமுக கட்சி அலுவலகத்தில் அக்கட்சி சார்பில் போட்டியிடும் 11 வேட்பாளர்கள் பட்டியலை டிடிவி.தினகரன் வெளியிட்டுள்ளார்.
அமமுக வேட்பாளர் பட்டியல்
அதில், பெரியகுளம்- டாக்டர் கே.கதிர்காமு, மன்னார்குடி- எஸ்.காமராஜ், திருவையாறு- வி.கார்த்திகேயன், காரைக்குடி- தெர்போகி பண்டியன், திருப்பத்தூர்- ஞானசேகர், நாங்குநேரி- இசக்கி முத்து, ஒட்டப்பிடாரம்-ஆர்.சுந்தர்ராஜ், திருச்சி மேற்கு - ராஜசேகரன், சைதாப்பேட்டை-செந்தமிழன், பூந்தமல்லி-டி.ஏ.ஏழுமலை, மடத்துக்குளம்- சி.சண்முகவேலு உள்ளிட்டோர் வேட்பாளராக அறிவிக்கப்பட்டுள்ளனர். அமமுக தேர்தல் அறிக்கையை அக்கட்சியின் தலைவர் டிடிவி.தினகரன் அறிவித்தார்.
அதில் அரசு ஊழியர்கள் மற்றும் ஆசிரியர்கள் விரும்பும் பழைய ஓய்வூதியத் திட்டத்தை மீண்டும் அமல்படுத்த நடவடிக்கை, தமிழகம் முழுவதும் உள்ள தூய்மைப் பணியாளர்கள், சத்துணவு மற்றும் அங்கன்வாடி ஊழியர்கள் பணி நிரந்தரம், அரசு மற்றும் தனியார் மருத்துவமனைகளில் மாற்றுத்திறனாளிகளுக்கு இலவச சிகிச்சை,மாற்றுத்திறனாளிகளுக்கான மாதாந்திர ஓய்வூதியம் ரூ.2,500 ஆக உயர்த்தி வழங்க நடவடிக்கை உள்ளிட்ட வாக்குறுதிகளை அளித்தார்.
மூன்று திமுக அமைச்சர்களுடன் மோதும் அமமுக
மூன்று திமுக அமைச்சர் தொகுதிகளில் அமமுக மோதுகிறது. சைதாப்பேட்டை - மா.சுப்பிரமணியன், மன்னார்குடி டிஆர்பி ராஜா, திருச்சி மேற்கு கே்.என்.நேரு ஆகியோர் தொகுதிகளில் அமமுக களமிறங்க உள்ளது. இதில் முன்னாள் அமைச்சர்கள் சண்முகவேல், செந்தமிழன் ஆகிய இரண்டு பேருக்கு டிடிவி தினகரன் வய்ப்பு அளித்துள்ளார்.
