FIFA World Cup: மெஸ்ஸி, அல்வரெஸ் அபாரம்.. அரையிறுதியில் குரோஷியாவை வீழ்த்தி ஃபைனலுக்கு முன்னேறியது அர்ஜெண்டினா
ஃபிஃபா கால்பந்து உலக கோப்பை அரையிறுதியில் குரோஷியாவை 3-0 என்ற கோல் கணக்கில் வீழ்த்தி அர்ஜெண்டினா அணி ஃபைனலுக்கு முன்னேறியது.
 )
Follow22வது ஃபிஃபா கால்பந்து உலக கோப்பை தொடர் இறுதிக்கட்டத்தை நெருங்குகிறது. அர்ஜெண்டினா, குரோஷியா, ஃபிரான்ஸ், மொராக்கோ ஆகிய 4 அணிகளும் அரையிறுதிக்கு முன்னேறின.
கிறிஸ்டியானா ரொனால்டோவை பென்ச்சில் உட்காரவைத்து விட்டு காலிறுதியில் ஆடிய போர்ச்சுகல் அணி மொராக்கோவிடம் தோற்று தொடரை விட்டு ஏமாற்றத்துடன் வெளியேறியது. இங்கிலாந்து அணி ஃபிரான்ஸிடம் தோற்று வெளியேறியது.
FIFA World Cup 2022: வாழ்நாள் கனவு தகர்ந்தது - ரொனால்டோ உருக்கம்
அர்ஜெண்டினா, குரோஷியா, மொராக்கோ, ஃபிரான்ஸ் அணிகள் அரையிறுதிக்கு முன்னேறிய நிலையில், அர்ஜெண்டினா - குரோஷியா இடையே முதல் அரையிறுதி போட்டி நடந்தது.
இந்த ஆட்டத்தின் 34வது நிமிடத்தில் அர்ஜெண்டினா நட்சத்திர வீரர் லியோனல் மெஸ்ஸி முதல் கோல் அடித்தார். அடுத்த 5 நிமிடத்தில் ஜூலியன் அல்வரெஸ் ஒரு கோல் அடித்தார். முதல் பாதி முடிவில் அர்ஜெண்டினா 2-0 என்ற கோல் கணக்கில் முன்னிலை வகித்தது.
2ம் பாதி ஆட்டத்தில் 69வது நிமிடத்தில் அல்வரெஸ் மற்றுமொரு கோல் அடித்தார். தொடக்கம் முதல் கடைசி வரை கடுமையாக போராடியும் குரோஷியா அணியால் ஒரு கோல் கூட அடிக்க முடியவில்லை. இதையடுத்து 3-0 என்ற கோல் கணக்கில் குரோஷியாவை வீழ்த்தி அர்ஜெண்டினா ஃபைனலுக்கு முன்னேறியது.
சேனலை கிளிக் செய்து பின்தொடரவும்
