மலையாள நடிகர் ஷைன் டாம் சாக்கோ, குடும்பத்தோடு பெங்களூரு சென்றுகொண்டிருந்தபோது தருமபுரி அருகே அவர் சென்ற கார் விபத்துக்குள்ளானது.
Shine Tom Chacko Family Met With an Accident Near near Dharmapuri : நடிகர் ஷைன் டாம் சாக்கோவின் தந்தை சி.பி. சாக்கோ கார் விபத்தில் மரணமடைந்தார். ஷைன் டாமும் அவரது குடும்பத்தினரும் பயணித்த கார் தருமபுரி அருகே விபத்துக்குள்ளானது. இன்று அதிகாலை திருச்சூரில் இருந்து பெங்களூரு சென்று கொண்டிருந்த போது தருமபுரியை அடுத்த பாறையூரில் சேலம்-பெங்களூரு தேசிய நெடுஞ்சாலையில் இந்த விபத்து நிகழ்ந்தது. இந்த விபத்தில் ஷைன் டாமின் கையில் காயம் ஏற்பட்டுள்ளது. ஷைன் டாம், அவரது தந்தை, தாய், சகோதரர் மற்றும் உதவியாளர் ஆகியோர் காரில் இருந்தனர்.
விபத்தில் சிக்கிய ஷைன் டாம் சாக்கோ
படுகாயம் அடைந்த இவர்கள் தர்மபுரியில் உள்ள மருத்துவமனையில் அனுமதிக்கப்பட்டுள்ளனர். ஷைன் டாமும் அவரது குடும்பத்தினரும் பயணித்த கார் ஒரு லாரி மீது மோதியது. இதில் ஷைனின் தந்தை சம்பவ இடத்திலேயே உயிரிழந்தார். கர்நாடக பதிவு எண் கொண்ட லாரியின் பின்புறம் கார் மோதியதாக தகவல்கள் தெரிவிக்கின்றன. விபத்து நடந்தபோது யார் காரை ஓட்டிச் சென்றார்கள் என்பது உறுதியாகத் தெரியவில்லை. இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.
Related Articles
ஷைன் டாம் சாகோவின் தந்தை பலி
காவல்துறையினரும், பொதுமக்களும் இணைந்து விபத்தில் சிக்கியவர்களை மருத்துவமனைக்கு அழைத்துச் சென்றனர். நேற்று இரவு திருச்சூரில் இருந்து பெங்களூருவுக்குப் புறப்பட்டனர். மருத்துவ பரிசோதனைக்காக ஷைன் டாம் சாக்கோ அவரது பெற்றோரை பெங்களூருக்கு அழைத்து சென்றதாக கூறப்படுகிறது. செல்லும் வழியில் தான் இந்த விபத்து ஏற்பட்டிருக்கிறது. மரணமடைந்த ஷைன் டாம் சாகோவின் தந்தை சி.பி. சாக்கோ. சமீபத்தில் ஷைனுடன் சில நேர்காணல்களிலும் பங்கேற்றிருந்தார்.
நடிகர் ஷைன் டாம் சாக்கோ மலையாளத்தில் பிரபலமான நடிகராக வலம் வருகிறார். இவர் தமிழிலும் நடிகர் விஜய்யின் பீஸ்ட் படம் மூலம் அறிமுகமானார். கடைசியாக அஜித்தின் குட் பேட் அக்லி திரைப்படத்தில் நடித்திருந்தார் ஷைன் டாம் சாக்கோ. இதுதவிர சமீப காலமாக மலையாள திரையுலகில் பெரும் பரபரப்பை ஏற்படுத்திய போதைப் பொருள் வழக்கிலும் ஷைன் டாம் சாக்கோ கைதாகி பின்னர் விடுவிக்கப்பட்டார் என்பது குறிப்பிடத்தக்கது.