Asianet News TamilAsianet News Tamil

'இலை'ய 'கை'யில மறைக்கலாம்... மலைய மறைக்க முடியாது... ரஜினிக்காக சீமானோடு அதிமுகவையும் சீண்டும் ராகவா லாரன்ஸ்...!

ராகவா லாரன்ஸ் குறிப்பிட்டுள்ள அந்த ஒருவர் யார் என தெரியாத நிலையில், நாம் தமிழர் சீமானை தான் சொல்லி இருப்பார் என கருத்துக்கள் பரவி வருகிறது. 

Raghava Lawrence Indirectly Attack Seeman and ADMK in His Darbar Tweet
Author
Chennai, First Published Jan 17, 2020, 6:02 PM IST

ஏ.ஆர்.முருகதாஸ் - ரஜினிகாந்த் கூட்டணியில் பொங்கல் விருந்தாக திரைக்கு வந்துள்ள "தர்பார்" திரைப்படம் கலவையான விமர்சனங்களை பெற்றுள்ளது. 'ஆதித்யா அருணாச்சலம்' என்ற மும்பை போலீஸ் அதிகாரியாக ரஜினிகாந்த் நடித்துள்ள "தர்பார்" திரைப்படம் வசூலில் பட்டையைக் கிளப்பியுள்ளது.  முதல் பாதி, இரண்டாம் பாதி என எவ்வித பாகுபாடும் இல்லாமல் படம் சூப்பராக இருப்பதாக சூப்பர் ஸ்டார் ரசிகர்கள் கொண்டாடி வருகின்றனர். 

Raghava Lawrence Indirectly Attack Seeman and ADMK in His Darbar Tweet

70 வயது முதியவரின் நடிப்பை காண கூட்டம், கூட்டமாக மக்களை தியேட்டர்களை நோக்கி வரவழைக்கும் மேஜிக்கை ரஜினியால் மட்டுமே செய்ய முடியும் என்பதை மீண்டும் நிரூபித்துள்ளார்.இந்நிலையில் "தர்பார்" படம்  குறித்து சூப்பர் ஸ்டார் ரஜினிகாந்தின் தீவிர ரசிகரான ராகவா லாரன்ஸ் பதிவிட்டுள்ள டுவிட்டர் சோசியல் மீடியாவில் வைரலாகி வருகிறது. 

Raghava Lawrence Indirectly Attack Seeman and ADMK in His Darbar Tweet

அதில், தலைவர் படம் ஓடாது என சிலர் நினைத்தனர். குறிப்பாக ஒருவர் நிறைய விஷயங்களை திட்டமிட்டு யாரும் பாடம் பார்க்க வேண்டாம் என வாட்ஸ் அப்பில் பரப்பி வந்தார். அதையெல்லாம் தாண்டி தலைவர் படம் பாக்ஸ் ஆபீஸ் வசூலில் சாதனை படைத்துள்ளது.  இலையை கையால மறைக்கலாம். இலையை மறைக்க முடியாது. மலை டா அண்ணாமலை. அந்த ஆண்டவனே நம்ம பக்கம் இருக்கான் என்று கூறிப்பிட்டுள்ளார்.

ராகவா லாரன்ஸ் குறிப்பிட்டுள்ள அந்த ஒருவர் யார் என தெரியாத நிலையில், நாம் தமிழர் சீமானை தான் சொல்லி இருப்பார் என கருத்துக்கள் பரவி வருகிறது. ஏற்கனவே தர்பார் இசை வெளியிட்டு விழாவில் சீமானை, ராகவா கழுவி ஊத்தியதை பலரும் நினைவு கூர்ந்துள்ளனர். மேலும் இலை, கை என்பதன் மூலம் தேவையில்லாமல் அதிமுகவையும் இழுத்து சிக்கலில் சிக்கிக்கொண்டார் ராகவா லாரன்ஸ் என்ற விமர்சனமும் எழுந்துள்ளது. 

Raghava Lawrence Indirectly Attack Seeman and ADMK in His Darbar Tweet

ஏற்கனவே ரஜினிக்காக வாய்ஸ் கொடுத்த ராகவா லாரன்ஸை சீமான் தம்பிகள் சோசியல் மீடியாவில் வச்சி செய்தனர். அதை எல்லாம் கொஞ்சமும் சிந்திக்காமல் மீண்டும் அதிமுகவையும் சேர்த்து வம்பிழுத்து மிகப்பெரிய பிரச்சனையில் சிக்கியுள்ளார் ராகவா லாரன்ஸ். 

Follow Us:
Download App:
  • android
  • ios