நாச்சியார் vs லவ் டுடே: மாமாகுட்டி......இவானாவுக்கு பேர் கொடுத்த படம் எது?
நடிகை இவானாவிற்கு சமீபத்தில் திரைக்கு வந்த லவ் டுடே படம் சூப்பர் டூப்பர் ஹிட் படமாக அமைந்துவிட்டது.
தமிழ் சினிமாவில் வளர்ந்து வரும் நடிகைகளில் ஒருவராக இருப்பவர் நடிகை இவானா. இவர், மலையாளத்தில் மாஸ்டர்ஸ் மற்றும் ராணி பத்மினி ஆகிய படங்களில் குழந்தை நட்சத்திரமாக நடித்துள்ளார். கடந்த 2018 ஆம் ஆண்டு திரைக்கு வந்த ஜோதிகாவின் நாச்சியார் படத்தின் மூலம் தமிழ் சினிமாவில் அறிமுகமானார். கோட்டையரசி என்ற கதாபாத்திரத்தில் ஜிவி பிரகாஷூக்கு ஜோடியாக நடித்திருந்தார்.
செம்ம மாஸ்... 'துணிவு' படத்தில் மஞ்சு வாரியர் பாடிய 'காசே தான் கடவுளடா' லிரிக்கல் பாடல் வெளியானது!
ஒரு மாதிரி ஏழை பெண்ணாக வீட்டு வேலை செய்து வரும் பெண் ரோலில் நடித்து, ஒரு குழந்தைக்கு தாயாகவும் ஆனார். அப்படிப்பட்ட ஒரு கதாபாத்திரம். இளம் வயதிலேயே அதுவும் அறிமுக படத்திலேயே ஒரு குழந்தைக்கு தாயாக நடித்திருந்தார். இந்தப் படம் அவருக்கு பேர் எடுத்து கொடுத்ததோ இல்லையோ, சமீபத்தில் திரைக்கு வந்து வெற்றி வாகை சூடிய லவ் டுடே டாப் டக்கர் படமாக அமைந்தது. ஏனென்றால், இன்றைய காலகட்ட இளைஞர்களுக்கு ஏற்ற படமும் கூட, வசனமும், கிளாமரும் கூட குறைச்சலா இருந்தாலும் வித்தியாசமான கதையம்சம் டாப் லெவல் தான். யாருமே யோசிக்காத ஒரு கதையை எடுத்து வைத்திருக்கிறார்.
நிகிதா என்ற கதாபாத்திரம் இவானாவிற்கு நல்ல பெயரை கொடுத்துள்ளது. கோபத்தில் சண்டை போடுவதாக இருந்தாலும் சரி, காதல் வந்தால் வெளிப்படுத்தும் விதமாக இருந்தாலும் சரி இவானாவின் நடிப்பு டாப் தான். கணவன் மனைவியோ, காதலிப்பவர்களோ, பெற்றவர்களோ யாராக இருந்தாலும் தங்களது மொபைலை மாற்றி வைத்துக் கொண்டால் என்னென்ன பிரச்சனை வருகிறது. அதனால், எவ்வளவு அவமானம், கஷ்டம் என்பதை இளம் இயக்குநர் பிரதீப் ரங்கநாதன் இன்றைய காலகட்டத்திற்கு ஏற்பவே சுட்டி காட்டிவிட்டார். யாராலும் 100 சதவிகிதம் உண்மையாகவும் இருக்க முடியாது, 100 சதவிகிதம் உண்மையில்லாமலும் இருக்க முடியாது என்பதற்கு இந்தப் படம் ஒரு உதாரணம்.
உண்மையான அன்பும், காதலும் இருந்தால் மட்டுமே ஒரு மொபைல் அல்ல, எத்தனை மொபைல் போனையும் மாற்றிக் கொள்ளலாம். நாச்சியார் படத்திற்கும், இந்தப் படத்திற்கு என்ன வித்தியாசம் என்று கேட்டால், நாச்சியாரை விட இந்தப் படத்தின் கதையும், வசனமும், பாடலும் ரசிகர்களுக்கு பிடித்தவாறே இருந்துள்ளது.
ஒருமுறை பார்த்தாலும் கவுண்டமனி சொல்வது போன்று எங்க மறுக்கா மறுக்கா சொல்லு என்பதற்கேப மறுபடியும், மறுபடியும் இந்தப் படத்தை பார்க்க தோன்றும் என்பது குறிப்பிடத்தக்கது. சிவகார்த்திகேயனின் ஹீரோ படத்திலும் நடித்திருக்கிறார். தற்போது மலையாளத்தில் காம்ப்ளக்ஸ் என்ற படத்தில் நடித்து வருகிறார்.