குட் பேட் அக்லி படத்தின் வெற்றிக்கு பின்னர் நடிகர் அஜித்குமார் நடிப்பில் உருவாக உள்ள ஏகே 64 திரைப்படம் குறித்த அப்டேட் வெளியாகி உள்ளது.
AK 64 Heroine Update : தமிழ் திரையுலகில் முன்னணி மாஸ் நடிகராக வலம் வருபவர் அஜித் குமார். இவர் நடிப்பில் இந்த ஆண்டு இரண்டு திரைப்படங்கள் ரிலீஸ் ஆனது. இதில் விடாமுயற்சி படம் படுதோல்வி அடைந்தாலும், அதன்பின் ரிலீஸ் ஆன குட் பேட் அக்லி திரைப்படம் திரையரங்குகளில் சக்கைப்போடு போட்டு பாக்ஸ் ஆபிஸில் ரூ.200 கோடிக்கு மேல் வசூலை அள்ளி பிளாக்பஸ்டர் ஹிட் ஆனது. நடிகர் அஜித்துக்கு மிகப்பெரிய கம்பேக் படமாக குட் பேட் அக்லி அமைந்தது.
அஜித்தின் அடுத்த படம் யாருடன்?
நடிகர் அஜித் குமார் தற்போது கார் ரேஸில் பிசியாக உள்ளார். அவர் தன்னுடைய அடுத்த படம் நவம்பர் மாதம் தொடங்கும் என ஏற்கனவே கூறி இருந்தார். அந்த படத்தை யார் இயக்கப்போகிறார்கள் என்கிற கேள்வி இருந்தது. லேட்டஸ்ட் தகவலின் படி அஜித்தின் ஏகே 64 திரைப்படத்தை குட் பேட் அக்லி படத்தின் இயக்குனர் ஆதிக் ரவிச்சந்திரன் தான் இயக்க உள்ளார் என கூறப்படுகிறது. குட் பேட் அக்லி படத்தை தயாரித்த மைத்ரீ மூவி மேக்கர்ஸ் நிறுவனம் தான் இப்படத்தையும் தயாரிக்க உள்ளதாம்.
Related Articles
அஜித்துக்கு ஜோடியாக 2 ஹீரோயின்கள்
ஏகே 64 திரைப்படத்தில் நடிகர் அஜித்துக்கு ஜோடியாக இரண்டு ஹீரோயின்கள் நடிக்க உள்ளார்களாம். அவர்கள் வேறுயாருமில்லை பூஜா ஹெக்டேவும், நயன்தாராவும் தான். இதில் நயன்தாரா இதற்கு முன்னர் அஜித்துடன் பில்லா, ஆரம்பம், விஸ்வாசம் போன்ற படங்களில் நடித்திருந்தாலும், நடிகை பூஜா ஹெக்டேவுக்கு அஜித்துடன் ஜோடி சேரும் முதல் படமாக இது அமைந்துள்ளது. மேலும் இப்படத்திற்கு ஜிவி பிரகாஷ் குமார் தான் இசையமைக்க உள்ளதாக தகவல்கள் தெரிவிக்கின்றன.
ஏகே 64 படத்தின் அப்டேட்
ஏகே 64 திரைப்படத்தின் படப்பிடிப்பை இந்த ஆண்டு நவம்பர் அல்லது டிசம்பரில் தொடங்க உள்ளார்களாம். விறுவிறுப்பாக படப்பிடிப்பை முடித்து, அடுத்த ஆண்டு மே மாதம் நடிகர் அஜித்தின் பிறந்தநாளன்று மே 1ந் தேதி ஏகே 64 திரைப்படத்தை வெளியிட பிளான் போட்டு உள்ளார்களாம். அனைத்தும் திட்டமிட்டபடி நடந்தாலும் அடுத்த ஆண்டு அஜித்தின் பிறந்தநாள் பரிசாக ஏகே 64 திரைப்படம் வெளியாக வாய்ப்புள்ளது. இப்படம் குறித்த அறிவிப்பும் விரைவில் வெளியாகும் என எதிர்பார்க்கப்படுகிறது.