மூக்குத்தி அம்மன் 2 படத்தில் ஆர்.ஜே பாலாஜி இல்லையா? நயன்தாரா ஏன் இப்படி பண்ணாங்க?

மூக்குத்தி அம்மன் 2 தொடர்பான அறிவிப்பு அதிகாரப்பூர்வ அறிவிப்பு வெளியான நிலையில், இந்த படத்தில் ஆர்.ஜே பாலாஜி நடிக்கவில்லை என்ற தகவல் வெளியாகி உள்ளது.

mookuthi amman

ரேடியோ நிகழ்ச்சிகளை தொகுத்து பிரபலமானவர் ஆர்.ஜே பாலாஜி. ரேடியோவை தொடர்ந்து அவர் சினிமாவில் காமெடியனாக எண்ட்ரி கொடுத்தார். ஆர்.ஜே பாலாஜியின் காமெடிக்கு என தனி ரசிக பட்டாளமே உள்ளனர். நானும் ரௌடி தான், வடகறி, ஜில் ஜங் ஜக், காற்று வெளியிடை, இவன் தந்திரன், ஸ்பைடர், வேலைக்காரன், தானா சேர்ந்த கூட்டம் உள்ளிட்ட பல படங்களில் அவர் நடித்தார்.

பின்னர் எல்.கே.ஜி படத்தின் மூலம் ஹீரோவாக அறிமுகமானார் ஆர்.ஜே பாலாஜி. இந்த படத்திற்கு நல்ல வரவேற்பு கிடைத்த நிலையில் மூக்குத்தி அம்மன், வீட்ல விசேஷங்க உள்ளிட்ட படங்களில் ஹீரோவாக நடித்தார். இதில் மூக்குத்தி அம்மன் படத்தின் இணை இயக்குனராகவும் பணியாற்றினார். இந்த படம் நேரடியாக ஓடிடியில் வெளியான நிலையில் இந்த படத்திற்கு நல்ல வரவேற்பு கிடைத்தது. 

நயன்தாரா அம்மனாக நடித்த இந்த படத்தில் ஆர்.ஜே பாலாஜி, ஊர்வசி, ஸ்மிருதி வெங்கட், அஜய் கோஷ் உள்ளிட்ட பலர் நடித்திருந்தனர். இந்த படம் அனைத்து தரப்பினரையும் கவர்ந்த நிலையில் மூக்குத்தி அம்மன் 2 படம் உருவாக உள்ளதாக ஆர்.ஜே பாலாஜி அறிவித்திருந்தார்.

இந்த படத்தில் நயன்தாரா மறுத்துவிட்டதாக தகவல் வெளியான நிலையில் த்ரிஷா அம்மன் வேடத்தில் நடிக்க உள்ளதாகவும் கூறப்பட்டது. ஆனால் தற்போது மூக்குத்தி அம்மன் இரண்டாம் பாகத்தில் நயன்தாராவே நடிக்க உள்ளதாகவும், இந்த படத்தை வேல்ஸ் பிலிம்ஸ் நிறுவனம் தயாரிக்க உள்ளதாகவும் அந்நிறுவனம் அதிகாரப்பூர்வமாக அறிவித்துள்ளது. மூக்குத்து அம்மன் 2 தொடர்பான அறிவிப்பு வீடியோவையும் வெளியிட்டுள்ளது.

Scroll to load tweet…

எனினும் மூக்குத்தி அம்மன் 2 படத்தில் ஆர்.ஜே பாலாஜி நடிக்கவில்லை என்று கூறப்படுகிறது. ஆர்.ஜே. பாலாஜி தற்போது த்ரிஷாவை வைத்து மாசாணி அம்மன் என்ற படத்தை இயக்கி வருகிறார். இதனால் ஆர்.ஜே பாலாஜி இல்லாமலேயே மூக்குத்தி அம்மன் படம் வெளியாக வாய்ப்புள்ளதாக கூறப்படுகிறது. இதற்காக பெரிய இயக்குனர் ஒருவரிடம் பேச்சுவார்த்தை நடந்து வருவதாகவும் கூறப்படுகிறது. த்ரிஷாவின் மீதுள்ள காண்டு காரணமாகவே நயன்தாரா இந்த படத்தை கையில் எடுத்துள்ளதாக தெரிகிறது. ஜவான் படத்திற்கு எந்த படமும் நயன்தாராவுக்கு பெரிதாக கைகொடுக்கவில்லை. மூக்குத்தி அம்மன் 2 அவருக்கு கை கொடுக்குமா என்பதை பொறுத்திருந்து தான் பார்க்க வேண்டும்.