பிரபல நடிகர் தனுஷ் நடிப்பில் இயக்குனர் அருண் மாதேஸ்வரன் இயக்கத்தில் உருவாகியுள்ள திரைப்படம் தான் கேப்டன் மில்லர். இந்த திரைப்படம் இவ்வாண்டு இறுதியில் உலக அளவில் வெளியாக உள்ளது குறிப்பிடத்தக்கது.
பிரபல நடிகர் தனுஷ் தற்பொழுது தனது 50வது திரைப்பட பணிகளில் ஈடுபட்டுள்ளார். இரண்டாவது முறையாக இயக்குனராக களமிறங்கும் நடிகர் தனுஷ், எழுதி, இயக்கி, நடிக்கும் திரைப்படம் தான் தனுஷ் 50. தற்பொழுது இந்த திரைப்பட பணிகள் முழுவீச்சில் நடந்து வரும் நிலையில் அவருடைய 49வது திரைப்படமாக வெளியாக உள்ள கேப்டன் மில்லர் திரைப்படம் குறித்த தகவல்கள் அவ்வப்பொழுது வெளியாகி வருகிறது.
பிரபல நடிகரும், இசையமைப்பாளருமான ஜி.வி பிரகாஷ் குமார் இசையில் உருவாகியுள்ள கேப்டன் மில்லர் திரைப்படத்தின் முதல் சிங்கிள் பாடல் விரைவில் வெளியாக உள்ளது. இந்நிலையில் இந்த திரைப்படத்தின் தயாரிப்பு நிறுவனமான சத்திய ஜோதி பிலிம்ஸ் நிறுவனம் தற்பொழுது புதிய போஸ்டர் ஒன்றை வெளியிட்டுள்ளது.
அதில்.. விரைவில் அந்த முதல் சிங்கிள் பாடல் வெளியாகும் என்று அறிவித்துள்ளது, "புரட்சி ஓங்குக" என்கின்ற போஸ்டர் தற்பொழுது வெளியாகி உள்ளது. கையில் உடுக்கையுடன் மிரட்டலாக போஸ் கொடுக்கும் தனுஷ் அவர்களுடைய அந்த போஸ்டர் தற்பொழுது மிகவும் வைரலாக பகிரப்பட்டு வருகிறது. இலங்கையின் ஈழ தமிழகத்தில் இருந்த மில்லர் என்கின்ற போர் வீரரின் வாழ்க்கை வரலாற்றை தழுவி தான் இந்த திரைப்படம் உருவாகியுள்ளதாக கூறப்படுகிறது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
இந்த திரைப்படத்தில் கன்னட திரை உலகின் சூப்பர் ஸ்டார் சிவராஜ்குமார் ஒரு முக்கிய கதாபாத்திரத்தில் நடித்திருக்கிறார். மேலும் சந்திப் கிஷன், பிரியங்கா அருள் மோகன், நிவேதிதா சதீஷ், மூத்த தமிழ் திரைப்பட நடிகர் நாசர் மற்றும் பால சரவணன் உள்ளிட்ட பலர் இந்த திரைப்படத்தில் நடித்துள்ளது குறிப்பிடதக்கது. ராக்கி மற்றும் சாணி காகிதம் ஆகிய திரைப்படங்கள் மூலம் பிரபலமான அருள் மாதேஸ்வரன் இந்த திரைப்படத்தை இயக்கியுள்ளார்.
