Follow Us "மூளை புற்றுநோயால் பாதிக்கப்பட்ட பிரபல இயக்குனர் மரணம் - சோகத்தில் ரசிகர்கள்")
சுருக்கம்
மூளைப் புற்றுநோயால் பாதிக்கப்பட்ட பிரபல இயக்குநர் சிகிச்சை பலனின்றி மரணமடைந்தார். அவரது மறைவு திரையுலகினரிடையே பெரும் சோகத்தை ஏற்படுத்தியுள்ளது.
Fifty Shades Director James Foley Passed Away : பிரபல அமெரிக்க இயக்குநர் ஜேம்ஸ் ஃபோலி (James Foley) காலமானார். மூளைப் புற்றுநோயால் பாதிக்கப்பட்ட அவர் தூக்கத்தில் மரணமடைந்தார். ஹாலிவுட்டில் அவரது மறைவு சோகத்தை ஏற்படுத்தியுள்ளது. அவருக்கு வயது 71. இதனை ஃபோலியின் செய்தித் தொடர்பாளர் உறுதிப்படுத்தினார். "கடந்த சில ஆண்டுகளாக மூளைப் புற்றுநோயுடன் போராடி வந்த அவர் காலமானார்," என்று ஹாலிவுட் ஊடகங்களுக்கு செய்தித் தொடர்பாளர் தெரிவித்தார்.
யார் இந்த ஜேம்ஸ் ஃபோலி?
1953 டிசம்பர் 28 இல் நியூயார்க்கில் உள்ள புரூக்ளினில் பிறந்த ஃபோலி, 1984 இல் வெளியான 'ரெக்லெஸ்' படத்தின் மூலம் தனது இயக்குநர் வாழ்க்கையைத் தொடங்கினார். அதைத் தொடர்ந்து 1986 இல் வெளியான 'எட் க்ளோஸ் ரேஞ்ச்' படம் விமர்சன ரீதியாக பாராட்டப்பட்டது. சீன் பென் மற்றும் கிறிஸ்டோபர் வால்கன் ஆகியோர் இப்படத்தில் நடித்திருந்தனர்.
Related Articles
ஃபோலி இயக்கிய முக்கியமான படங்களில் 1992 இல் வெளியான 'க்ளென்கேரி க்ளென் ரோஸ்', 1996 இல் வெளியான உளவியல் த்ரில்லர் 'ஃபியர்' ஆகியவை அடங்கும். காதல் வகை படமான ஃபிஃப்டி ஷேட்ஸ் தொடரின் மூலமும் ரசிகர்களை கவர்ந்தார். 2017, 2018 இல் வெளியான காதல் நாடகங்களான 'ஃபிஃப்டி ஷேட்ஸ் டார்க்கர்' மற்றும் 'ஃபிஃப்டி ஷேட்ஸ் ஃப்ரீட்' ஆகிய படங்களை இயக்கியுள்ளார்.
சின்னத்திரையிலும் தடம் பதித்த ஜேம்ஸ் ஃபோலி
தொலைக்காட்சித் துறையிலும் ஃபோலி தனது திறமையை வெளிப்படுத்தினார். குறிப்பாக நெட்ஃபிளிக்ஸ் தொடரான 'ஹவுஸ் ஆஃப் கார்ட்ஸ்', 'ட்வின் பீக்ஸ்' போன்ற பிரபல தொடர்களை இயக்கியுள்ளார்.
இசை வீடியோக்களிலும் ஃபோலி தனது முத்திரையை பதித்தார். மடோனாவின் பிரபல இசை வீடியோக்களான ‘லிவ் டு டெல்’ அவரது இயக்கத்தில் உருவானது. ஃபோலி மறைந்தாலும், அவரது படைப்புகள், சினிமா உலகில் என்றும் நிலைத்திருக்கும். அவருக்கு சகோதர சகோதரிகள் உள்ளனர்.
