பாலிவுட் நடிகர் தர்மேந்திரா மருத்துவமனையில் சிகிச்சை பெற்று வந்தபோது, அவரை வீடியோ எடுத்து வெளியிட்ட மருத்துவமனை ஊழியர் ஒருவரை போலீசார் கைது செய்துள்ளார்களாம்.
Mumbai hospital staff arrested : பாலிவுட் நடிகர் தர்மேந்திரா மருத்துவமனையில் இருந்து டிஸ்சார்ஜ் செய்யப்பட்டு வீட்டில் குணமடைந்து வருகிறார். சுவாசப் பிரச்சனை காரணமாக மும்பை ப்ரீச் கேண்டி மருத்துவமனையில் அனுமதிக்கப்பட்டிருந்த தர்மேந்திராவின் உடல்நிலை குறித்து பல வதந்திகள் பரவின. அப்போது, தர்மேந்திராவின் குடும்பத்தினர் வதந்திகளைப் பரப்ப வேண்டாம் என்று வேண்டுகோள் விடுத்தனர். தற்போது தர்மேந்திரா வீட்டில் சிகிச்சை பெற்று குணமடைந்து வருகிறார். இதற்கிடையே, தர்மேந்திராவின் உடல்நிலை தொடர்பான வழக்கில் மருத்துவமனை ஊழியர் ஒருவரை போலீசார் கைது செய்துள்ளதாக தகவல் வெளியாகி உள்ளது.
தர்மேந்திரா வீடியோ
நடிகர் தர்மேந்திரா மருத்துவமனையில் அனுமதிக்கப்பட்டு சிகிச்சை பெற்று வந்த நிலையில், போலிச் செய்திகள் பரவின. அதனுடன் ஒரு வீடியோவும் பெரும் வைரலானது. அந்த வீடியோவில், நடிகர் தர்மேந்திரா மருத்துவமனை படுக்கையில் சுயநினைவின்றி இருப்பது போல படமாக்கப்பட்டிருந்தது.
அதுமட்டுமின்றி, தர்மேந்திராவின் அருகில் அவரது மகன்கள் சன்னி தியோல், பாபி தியோல் மிகுந்த வேதனையுடன் நிற்பது போலவும், தர்மேந்திராவின் முதல் மனைவி பிரகாஷ் கவுர், சன்னி தியோலின் மகன்கள் கரண் தியோல், ராஜ்வீர் தியோல் ஆகியோர் துக்கத்தில் இருப்பது போலவும் வீடியோ பரவியது.
Related Articles
தர்மேந்திராவின் குடும்ப முக்கிய உறுப்பினர்கள் அவரது படுக்கைக்கு அருகில் இருந்து ஒருவருக்கொருவர் ஆறுதல் கூறுவது போன்ற காட்சிகள் அதில் இருந்தன. இந்த வீடியோவே தர்மேந்திரா குறித்த போலிச் செய்திகளுக்கு வலு சேர்த்தது.
மருத்துவமனை ஊழியர் கைது
மருத்துவமனை ஊழியர் தர்மேந்திரா குடும்பத்தின் மிகவும் தனிப்பட்ட தருணத்தை படம்பிடித்துள்ளார். அனுமதியின்றி, தடை செய்யப்பட்ட பகுதியில் வீடியோ எடுக்கப்பட்டுள்ளது. இந்த வீடியோவிலிருந்தே போலிச் செய்திகள் உருவாகின. இந்த வீடியோ சமூக வலைதளங்களிலும் பகிரப்பட்டு, வாட்ஸ்அப் மூலமாகவும் பரப்பப்பட்டது. தற்போது இந்த வீடியோவை பதிவு செய்த மருத்துவமனை ஊழியரை போலீசார் கைது செய்துள்ளதாக தகவல் வெளியாகியுள்ளது.